كتمان [ مكتملة ]
جدول المحتويات

    أنت تقرأ

    كتمان [ مكتملة ]

    Conto

    أول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...

    #اخلاف #اكشن #جزائرية #حب #عادات #عذاب #غرابة #كره #كرونيك #مرض #معامرة #نفسي #هوس

    الحلقة 21

    38 4 0 
                                        
    
                                              
    #كتمان 

    "... علاه قاعد ترسم فيها وش بديت تتأثر؟؟"
    سمع صوتو يهدر معاه..... مردش عليه وكمل يرسم....
    ".... رايح تحبها.... ههههه نسيت روحك شكون يا عليلو...."
    "... متزيدش تعيطلي بهداك الإسم... نكرهو واسكت... وش تحوس مني هاني بعدتهم كيما حبيت... خليني درك"
    ".... بعدتهم عليك... أنا نعرف مصلحتك انا لي نحبك... هما انانيين.... وهادي تاني كيفهم... تسما خمم قبل ما دير اي حاجة.... حاب ترجع عليلو الصغير.... "
    شاف معاه بشوية.... كان مجرد خيال من عقلو... يهدر معاه.... هو لي يدير وش يقول...
    ".... أنت خليتهم يكرهوني..... أنت السبة "
    " انت حبيت تبعد وانا عاونتك برك.... وش رايك تقتلها.... رايح تشوف دم بزاف ترسم بيه حتى تموت.... "
    ".... لالا رح تتعذب هي مدارتلي والو... منقدرش نقتلها..... أنا مانيش قتال..."
    ".... هههه انت مش قتال وي... أما انت اسوء منو..... الشي لي يدور في رأسك يخلي الشيطان يتقاعد..... "
    غمض عينيه بزربة.... وحسب حتى تلاتة... لقاه راح تنفس بارتياح ودور ليها يكمل الرسمة... وفي راسو الهدرة هديك دور يعني هو شيطان....علاه وش دار؟؟ وش هو ذنبو؟؟
      مسح يديه وخرج من الصالون... لقا الفجر طلع والاذان يتسمع من بعيد... قعد يردد فيه.. كل ما يجي يتقرب من ربي يلقا حاجز مبعدو.. كي يجي يصلي يسمع صوتها وهي تعيطلو... يتفكرها في كل لقطة من حياتو....
    معلابالوش مصيرو من ورا هادشي ربي محابش ياخدو عندو خلاه معلق ويتعذب.... موتو اكتر رحمة من حياتو.....
    علابلكم أقسى معاناة للانسان هي الفراغ والضياع.... كي متلقاش هدف من حياتك و متقدرش تجاوب على سؤال علاه انا عايش... اعرف بنو انت نكرة..... راك على أبواب الإكتئاب..... ولا قدر الله الانتحار
    هو عدا من مرحلة الاكتئاب.... وراهو يمشي في طريق الانتحار البطيء.... يموت بأقل من مهلو شوية شوية..... دقيقة دقيقة ولحظة لحظة....
    شرب قهوة مرة كي العادة... لبس سروال وبيل احمر وفيستا بنفس اللون.. ومشا لخدمتو على أمل انو ميتحاوزش عندو سمانة مراحش يخدم.....
    دخل للشريكة... وعينين الموظفين عليه... عبد غريب وممنوش زوج.... والناس فضوليين بزاف....
    راح لبيروه الصغير.... وقعد يرسم مخططات تقنية.....حتا عيطلو المدير بش يجي عندو...
    دخل بهدوء والبرود مغلفو... لقا المدير قاعد مع عميلة معاه....
    ".... سي علاء... شرفتنا وينك غايب هادي الفترة كاملة... وزيد مكانش مبرر وش كيما تحب..."
    مهدر والو خلاه يعيط.... ومبعد سكت
    "علابلك انك اكتر مهندس ذكي في مجال الهندسة.... ورغم سنك انو قدراتك مذهلة.... حاول ما ضيعهاش بطيش الشباب...."
    هزلو براسو وخرج.... طيش الشباب....ههههه معلابالوش بنو هو عجوز في جسم شاب.... الحياة استنفزتو حتى لآخر حاجة.....
    ♣️♣️♣️♣️♣️
    أنتِ فاكهتي المحرمة....
    لن أحبك... سامحيني لن استطيع.... أنت بريئة وانا شيطان....
    اغفري لي.... أنا تائه..... عذابي لك هو راحتي...
    فلتكوني شريكتي في جريمة الجنون والحب
    كتماني هو الحل لأن بوحي محرم☠️🖤♣️
    كتمان [ مكتملة ]حيث تعيش القصص. اكتشف الآن