#كتمان
"....نروحو للدار... ؟؟" نطقتها بحشمة ورهبة منو...
".. وين تحوسي تروحي؟؟ خلصنا من الطبيبة ولا عندك رونديفو مع شي واحد..."
طلع حاجبو فيها باستهزاء وهي برك لي تعرف انو هادي النظرة خطيرة منو هو بالذات...
"... لا جيست توحشت دارنا وحابة ندور شوية كرهت من الدار. الطبيبة قالت بنو لازم نبدأ نمشي شوية..."
هبط عينيه دليل على انو يخمم...
"... داركم نسايها... فهمتي انا...منزيدش ندخل لهاديك الدار... ونتي تاني... مفهمومة هدرتي فتون..."
"... بصح علاه... هادوك عايلتي واحد ما يقدر يمنعني عليهم... "
".... عايلة كيما هاديك معندك ما ديري بيها طيشتك وظلمتك ومزال تقولي عايلتي..."
حست بنو مقيوس من جيهة العايلة... حطت يدها على يدو...
"... تعرف بالرغم لي صرالي كامل مقدرتش ننسا انهم عايلتي...... مقدرتش نكرههم ولا ونحقد عليهم.... مهما يكونو هما والديا... لازم عليا نسامح ونقعد مليحة معاهم... "
كأنو هدرتها هاديك فطنتو على حوايج بزاف..
هي مظلومة كيفو اما متخلاتش على الحب والعائلة... الحزن والآلام تعها خلاتها أقوى وبنت ذات مسؤولية...
هو لي كان مظلوم وهرب... آذى عايلتو... مو باباه وخاوتو... طول عمرو يبعد عليهم.... طول عمرو و هو يجرح فيهم.... مكانش أخ صالح ولا إبن صالح ولا عم صالح.... كل شي تفرض عليه من علاقات خلاتو ينفيها ويهرب منها...
كان حاسب بنو فتون هي الكفة الأضعف في هاد العلاقة.... بنو هو الحامي ليها والمسؤول... أما ظهر كلشي هو العكس..... هي كانت دايما القوية... هي الطموحة لي حبت تكمل قرايتها وتوقف على رجليها... هي واجهت ذئاب بشرية في السبيطار وبرا.... هي لي ذاقت ألم الحب و والخذلان والانكسار... هي لي حملت وتحملت سبان و سخط والديها وذلو هو بش متقلتش ولدها.... هي وهي ملاكو الحارس لي كان دايما يسنى فيه بش يمنعو...
دور ليها وعينيه حمر معمرين دموع تسعة عشر سنة... في لقطة صغيرة وكلمات قلال خلاتو يفيق على وهم الاستسلام وانو هو الضحية في كلشي.... قدامو كان الدليل بنو ربي رحيم بعبادو... مهما صرا رح تلقاه....
قدم ليها وهي مستغربة من تصرفاتو...
الانفصام لي فيه حيرها.... وفجأة لقاتو حضنها
ومزير عليها....
صدمها بردة فعلو الغريبة... حاوطت ظهرو بيديها تحاول تهديه....
وهو عاض على شواربو بش ميبكيش..
"٠...علاء وشبيك ؟؟ كشما قلت سمحلي علابالي بنو عندك مشاكل مع عايلتك بسبتي.. نقدر نعاونك تصالحهم وترجعو كيما قبل...؟"
".... شششش سسسسكتي متهدريش خلينا غير ساكتين هكدا...."
حست من نبرة صوتو انو م مليح.... ربع ساعة وهما قاعدين هكداك.... تربت على ظهرو بحنان كبير... تعامل فيه كأنو ابن مش زوج ولا شخص كبير..."
جبد عليها ومسح الدموع من شفارو وتبسم.. كأنو كلشي وضاح وقلبو رتاح...
"... راك مليح درك؟؟ ريحت..؟؟"
".... مممم هيا نروحو درك لبلاصة مليحة نعرفها.... وهيه لازم نشريلك الدوا بسك خلص وزيد قش بسك هادا ولا ميجيكش... لازم تاني ماكلة علابالي بيك دبة ولوكان متاكليش تاكليني انا وتبداي تندبي ههههه.."
".... أنت والله ماكش نورمال... يخي هادا وين كنت مقلق.... ؟؟؟ اك بديت تخوفني.. ديجا رجعني للدار... روح داوي.. "
"... هههه متخافيش ديجا هادي أول مرة ندير فيها عقلي ونخمم في حاجة مليحة... "
هزتلو بصدمة راسها موافقة وتقرا فالمعوذتين
المصحف الكل جبدتو في هاديك الدقيقة... هه
وش رايحة تتوقع من مريض كيما سي علاء..
درة تيقنت انو راهي متزوجة بمختل عقلي..
"... وعايلتك كيفاه... ؟؟"
تبسم ودور ليها وعينه يلمعو بأمل كبير...
خلاتها تدي الإجابة منو وتتبسم بدورها... علاء ملك المفاجآت الغريبة ♣️♣️♣️
🖤🖤🖤🖤🖤🖤
"... ما حدث في الماضي.... لا يؤذيك إلا إذا سمحت له بذلك...."
#مقتبسة
أنت تقرأ
كتمان [ مكتملة ]
Short Storyأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)