كتمان [ مكتملة ]

الحلقة 53

#كتمان

حلت الباب... لقاتو قدام الدار.... مبتسم والقلوب رايحة تخرج من عينيه.... فهاديك اللحظة تفكرت روحها مع بلال.... اشفقت عليه مسكين.... باين رح يتعذب كي يتصدم بحقيقة أنو الحب اكبر كذبة....
"...خديجة اسمحيلي عندي بزاف ما سقسيتش عليك... كنت في فرنسا و نقلت كلشي لهنا ورايح نحل بروجي في دزاير...."
".... حمدلله..."
"... علاه متريبونديش عليا... خالتي مليحة وش حوالها...."
قلقها بالأسئلة تاعو علاه يحبها ويسقسي عليها.. نطقت بغصة
".... عصام روح تعيش... رايح تتعذب وراح تبكي وتحس الحريق داخلك.... رح تتشوى وتشتاق النوم بين عينيك......تعيش روح قبل ما تغرق اكتر... متكونش كيفي واعفس على قلبك.... كون أذكى مني وحاول تخرج من الطريق هادي.... "
مفهمش على واه تهدر.... باينة مهدودة وضعيفة... جامي شافها في حالة كيما هكدا... خديجة لي حاربت العايلة كامل... هزت مها وهي صغيرة... عاشت وكافحت...
".. خديجة وش كاين؟؟ كشما صرا وانا معلاباليش... "

حبست دموعها وتبسمت ليه
"... عصام وش تحوس مني؟؟؟ "
"... أنا حاب نخطبك خديجة... حابك تكوني مرتي حبيبتي.... ونوعدك بنو كل شي تحلمي بيه رح يجيك..... رحت لفرنسا غير بش نخدم ونديرلك وش تحبي حتى مك رح تعيش معانا ونحطها على راسي.... وافقي برك... "

متقدرش تزوج بيه وتظلمو وهي تحب واحد خلاف.... هي تعشق بلال مهما دار رح يقعد جزء منها...
"... عصام أنا مخطوبة.... "

الصدمة غطات وجهو.... مأمنهاش علابالو تكدب بش تخليه يروح...
تبسم معاها
".... هههه خديجة بركاي ما تكذبي... نتي ماكش مخطوبة... نتي متحبي حتى واحد.. مكانش واحد يحبك قدي..."

".... لا مخطوبة ونحب خطيبي من سنين... تسما غير روح درك راني تابعة لراجل خلاف.. "

حكمها من كتفها وشبح عليه..
"... كتاه صرا هدا كامل؟؟ وين كنت انا علاه مهدرتيش تسما لوكان طولت شوية راح نلقاك متزوجة... وش خصني انا... عامين وانا نجري موراك... وش عندو هو قوليلي هيا... "

مقدرتش تحمل كتر، بزاف عليها هم مها وهم قلبها لي كل ما تسمع اسمو يحرقها وباباها لي يحوس يخرجهم من الدار ويبيعها

"..... واااااش تحوس منننننننني اخطيوني... نكرهكم كامل.... نكره بابا ونكره بلال ونكرهك نتا... كامل تخموا غير في رواحكم.... جامي خميتو فيا ولا حوستو عليا.... امشي منا ومنزيدش تجي انا منحبكش و جامي رايحة نحبك..... عندي غير هو في قلبي بلال وبس... وهو حرق وخلاني نتعذب موراه... "

قفلت الباب وطاحت تبكي... الدنيا ضياقت عليها والدنيا ولاتلها جحيم.... بالرغم من قوتها وصمودها قدامها اما تبقى امرأة ضعيفة لازمها عبد تتكا عليه.....

هو مكانش اقل منها.... كل كلمة من فمها كانت تقيس فيه من لداخل.... عينيه حمارو... الراجل كي يحب من قلبو جامي ينسى.... رجولتو وكرامتو آخر همو. لانو عواطفو هي لتحكم فيه...

علاه مسناتوش ؟؟ علاه محبتوش.. علاه هو مش انا؟؟ ناض يعيط ويخبط الباب عليها بالقاوي
"... انسايييييه مش راح نخليك معاه فهمتييي انا لي رايحة تتزوجي بيه وتفكرررري هدرتي مليح.... يا انا يا مكانش.... عصام برك لي لازم تحبيه..."

راح منارفي ويخبط فالطومبيل ويعيط بأعلى صوت يخرج النار لي شاعلة.....

وهي من مورا الباب حاطة يدها على فمها.. حاسة بيه وحاسة بنو مكسور اما ماعندها ما دير...

♣️♣️♣️♣️♣️♣️

سألها عن الحب
"... إنه رشة حب وكثير من الألم.... "
لماذا أحببته وأنت تعرفين أنك ستتألمين
"...لأنه كالسماء.... تحبها وانت تعرف انك لن تصل إليها...."
❤️🖤🖤🖤🖤🖤