كتمان [ مكتملة ]
جدول المحتويات

    أنت تقرأ

    كتمان [ مكتملة ]

    Short Story

    أول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...

    #اخلاف #اكشن #جزائرية #حب #عادات #عذاب #غرابة #كره #كرونيك #مرض #معامرة #نفسي #هوس

    الحلقة 52

    37 4 0 
                                        
    
                                              
    #كتمان 

    قعدو كلاو في صمت يخوف... هي متشوفش معاه بعد كلامو هداك... وهو حاس روحو مش مليح....  التلفون يصوني،لقاها امو تعيط... اف الف مرة يكوبي وهي مزالها تندب وتحوس عليه...
    ".... علاه متحكيش مع امك وعايلتك؟؟"
    طلع عينيه يشوف معاها ونطق ببرود عكس النار لي شاعلة في عينيه
    "... متحوسيش تعرفي حاجة خاطيك.... ماهيش  خدمتك.."
    "...وش خدمتي قولي نتا... وش هدفك معايا ووين رايحين بالحياة هادي...علاه قبلت بالزواج ادا مكش حاملني وتكرهني... علابلك هازة بولد راجل خلاف وتحملتي الذنب بنو ولدك.... علاه تعطيني امل ومبعد ترميني لتحت...، عييت والله... حس بيا راني عبد نحس.... "
    ناض وخلاها وهي تبع فيه...
    ".... متهربش كيما مالف... احكي معايا... كون انسان عادي ولو مرة في حياتك وقولي وش حاب من الحياة هادي... راك عبد ميت بالنسبة ليا.... عذبني ومتسكتش... هئ هئ "
    هو معلابالوش وش يحوس من الدنيا... وش الهدف من وجودو فيها اصلا؟؟ كلشي هدرتو عندها الحق فيه.....
    "..... حاب نموت ونتهنى... "
    شافت معاه وهي تبكي.... وجها حمار...، لهاد الدرجة كاره الحياة... وش خصو... وش لي خلاه هكدا...
    ".... علاه ؟؟.... شوف نقدر نعاونك انت كنت ملاكي وعاونتني.... دالتي درك..."
    ".... متقدريش تعاونيني.... واحد ما يقدر.. الماضي ميقدرش يتبدل... "
    ".... الماضي يتنسى... شوف انا الياس لي تدمرت بسبتو...نسيتو مبقيتش نحبو كيما كنت...... أنت تاني تقدر تنساها.... تقدر تنسا اسما... "
    صدمتو بهدرتها منين عرفت باسما....،قرات وش على وجهو وجاوبتو بزربة...
    ".... نتا تهدر اسمها بزاف كي تكون راقد... كنت تحبها؟؟ وينها درك؟؟؟ "
    ".... ههههه نحبها؟؟؟ اسما عذاب.... ماتت ومازلت نتعذب جرة شهوتها وشرها.... دمرتني وخلاتني نتشها الموت.... مشاعري قلبي روحي داتهم معاها للقبر...."
    "... وش دارت قولي؟؟ متخلينيش معلقة.."
    راح وخلاها هكداك... وهاو رجعنا للصفر...
    مشا خطوات وقالها وعينيه مغمضين ووجهو عرقان....
    "... اغتصبتني..... "
    ♣️♣️♣️♣️♣️♣️♣️♣️♣️
    هديك السمانتين عاشوهم بحرقة كبيرة... حبيبة طاح فيها السكر والضغط....بلال خلاها بلا روح... خاوتو وباباه تاني.... وزيد معيط ما قال وين ولا... حي ولا ميت؟؟ 
    خدواج تاعنا هي اكتر وحدة متأثرة... كامل يحكيو عليها... خلاها عروسة.... درك يحرڨ ويتزوج بڨاورية وينساها... وهي تسكت وتخبي.... ولات باردة... من الخدمة للدار... 
    عصام رجع فالفترة هادي... مكانش علابالو وش صرا... 
    جا فرحان.. حاب غير يشوفها توحشها بزاف.. 
    طبطب على الباب والجيران يطلو عليه...باين لاباس عليه.... 
    وبداو الإشاعات يدورو... ديجا بدلتو... شوفي خلاتو حتى ضاع ودات مولا الشكارة.... الناس جامي يحسو ودايما يظلمو... وفالجنايز يجيو يعزيو وياكلو نعمة الميت.... 
    مجتمع متخلف... لسانو لي مسيرو... يعس فكل عبد... والأحكام ويمدو مواعظ... وكي تحي تشوف تلقاه القبلة ميعرفش جيهتها...
    كتمان [ مكتملة ]حيث تعيش القصص. اكتشف الآن