#كتمان
".... اسمو علاء...."
خنزر فيها وزاد زير على يدها كتر....
".... شكون هدا ووين يسكن؟؟"
"... منعرفففففشش اما هو لي كنت ساكنة معاه..... في المدينة هاديك بعدا....."
دزها ومشا في راسو بلان رح يديرو..... ورح يخليه بسيف يتزوج بيها.
عطا لواحد يحوس عليه.... وقعد يخمم فلي رح يصرا لوكان رفض رح يدخلو الحبس.... ومع هو عندو معارف مش رح تصعب عليه حاجة ....
♣️♣️♣️♣️♣️
ناض دوش ودخل لبيتو يرسم.... نفس الروتين حتى حياتو مكانش حاجة جديدة.... لقا ابالات بزاف من امو..... طفا التليفون وكمل الرسمة.... تفكر كي جرحها وخدا دمها يرسم بيه.... كانت الرسمة عندها نكهة.... رسمة مش كيما رسماتو الاخرين.... شاف مع رسمتها متربعة كانو هي الملكة ... كانت راقدة ومبتسمة..... يمكن كانت أول مرة ليه يركز مع ابتسامة وحدة كيفها....
يمكن الحب هو حاجة صعيبة عليه.... اول مرة نلقى راجل يخاف يحب.... علاه ؟؟ لانو كي رح يحب رح يتجرح وادا زاد تجرح رح يموت... مش حاب يموت على الأقل في الفترة هادي... عندو حاجة حاب يديرها.....
ناض من بلاصتو..... وح حكم تصويرتها يشم فيها... كان عندها رائحة تخليه يحس بالراحة.... رائحة دمها كانت مألوفة او هي لي كانت مألوفة......
اما ميقدرش ينجذب لمرة نورمال.... انجذاب تاعو منعدم..... انجذاب تاعو يروح لولاد الصغار.... هو حط روحو في قوقعة مش يخبي هاد المرض لي عندو.. يخاف يآذي طفل يخاف يعاود غلطة صغرو لي دارها بدون وعي.... صوت هاديك الطفلة مزال يرن في ودنو كي اللحن..... كي كانت تبكي وصوت المرة هاديك....
سد ودنيه وقعد فلرض وحاكم رجليه بوضعية الجنين..... خايف منها وقاعد يرجف....
".... واحد اتنين تلاتة.... تيك تاك توك.... قاعد يغني فهاديك الغناية بشوية وبهمس خفيف.... كأنها لحن الموت ليه.....
البيت قاعد يشوف فيها تتزير عليه.... هداك الشاب الناضج تع 25 سنة اختفى وراح وجا في بلاصتو.... علاء لي فعمرو 6سنين علاء الخواف والساكت والهادي.....
ناض بزربة للتليفون وقفل الباب موراه ويدز فيه كي شغل واحد يحوس يدخل اما كلشي وهم وخيال.....
حاكم التليفون ويرجف يديه باردين ومجروحين.....
".... هي جات تقتلني.... اه اننننناا خااااييي ففف منها أرواح بعدها عليا...."
"... شكون نتايا.... شكون معايا خويا راك مليح..."
".... منيش مليح.. أرواح اديها علي.... أنا منيش عليلو انا منيش عليلو... قلها تبعد عليا مش قصدي هداك النهار كنت صغير والله مزدت قصت واحد محبتش تسامحني.... "
".... علاء... تنفس مليح احسب من واحد لتلاتة وغمض عينيك وتفكر حاجة مليحة صرات في حياتك.. هيا متخافش... "
تنفس وغمض عينيه.... معندو حتى حاجة مليحة..... خيالات تعدي تروح وتجي... كامل باشعة وتعذب....
حتى حبس على لقطت كي شافت معاه في الطموبيل ولقطة كي منعها.... وكي كانت راقدة.... عالمو الوردي واللحظات الفريدة كانت معاها هي...
طاح وحط راسو وظهرو على الباب..... وهمس بصوت هادي و تعبان.... كانو كان في مراطون..
"... فتون..... 💔❤️"
أنت تقرأ
كتمان [ مكتملة ]
Short Storyأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)