كتمان [ مكتملة ]
جدول المحتويات

    أنت تقرأ

    كتمان [ مكتملة ]

    Cerita Pendek

    أول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...

    #اخلاف #اكشن #جزائرية #حب #عادات #عذاب #غرابة #كره #كرونيك #مرض #معامرة #نفسي #هوس

    الحلقة 72

    33 5 0 
                                        
    
                                              
    #كتمان 

    هاديك اللحظة ستخلد ليهم في المستقبل اذا كان كاين مستقبل بيناتهم ؟؟؟؟
    عدات ليلة هادية عليهم... وضاحت بزاف أمور بينات فتون وعلاء.... لكن اسك علاء رايح يقبل يحكي لفتون على ماضيه؟؟؟ معلاباليش هو علابالو.....😈♣️
    🖤🖤🖤🖤🖤
    الصباح مع التمنية... درصاف عند الحفافة تعدلها في شعرها... ويدها فالتليفون تسنى في أي ابال من ايمن.... عندها بزاف وهي تعيطلو والو لا مجيب.... حابة تحبس كلشي اما باباها وعايلتها راح يتبراو منها هاد المرة... ورح تتمرمد فالزنقة.... ومدام عرفتو درصاف.. سير عرفتو بنو متحبش التمرميد والفقر والعناء...
    مدابيها كلشي يجيها ساجي....
    خلصو كلشي و لبست غوب قصيرة كحلة... تحاول تخليهم يبطلو الخطبة من الأساس... على الأقل حتى تضمن أيمن... اه قصدي دراهم أيمن ومكانة ايمن ودار ايمن....
    كي العادة التحضيرات الروتينية للخطبات... بلال خلا فراغ كبير في حياتهم... لكن قاعدين يحاولو يتأقلمو معا الوضع بعرس درصاف لي جاهم في أقصى وأحزن لحظات عمرهم...
    كملو كلشي حتى سمعو التزمار تع الطومبيل جاي من بعيد... زوج طوموبيلات صغار.... خرجو منهم خنساء وعروستها سارة... والأب حميد.. وخو العريس راجل سارة... والأخير عريس اللقطة المنتظر....... ياسين...
    هاد الشخصية لي رايحة تكون ضيفة خفيفة في الكرو اما ثقيلة في حياة درصاف.... راح يخلي حوايج بزاف يتبدلو في حياتها ورح يخلي نرجسيتها وغرورها الزايد تزول... لكان حاسبين انو درصاف شيطانة.... راكم غالطين لانو ياسين هو ابليس بذاتو.....ياسين السكارجي.....
    لابس تريكو وسروال.... لا كوستيم لا نوار... تحسب خوه هو العريس مش هو.... مكشر وحواجبو لاصقين في بعضاهم من الغش...
    جايبينو يخطب بسيف.....
    ".... اسمع اعدل روحك وطلق وجهك شوية..."
    "... شوف متقلقنيش بزاف فهمت... ديجا كي جيت معاكم راني مليح.... أنا مانيش حاب نتزوج تسالوني....كبير ونعرف صلاحي..."
    حكمتو مو من يدو تحاول تهديه... ترجاتو بعينيها يحبس.... سكت وتنهد ودخلو للدار تحت ترحيبات حبيبة وموسى والخاوة...
    "... شرفتونا يا سيدي تفضلو من هنايا... نهار كبير هدا... "
    "... ترحب بيك الجنة خويا موسى... "
    قعدو العايلتين مع بعض يحكيو ويتعارفو مليح مع بعض.. وعلى حساب الحطة يبانو مرتاحين لبعضاهم....
    وجات اللحظة لي تدخل فيها درصاف... لي كانت تبكي في البيت والحقد والغل مالي عينيها... ومع شافت العايلة الكريمة زادت حقدت اكتر.... مستواهم و حطتهم باينين تع حومات شعبية.... مش هادا لي حلمت بيه... مش هدا لي صبرت على جالو...
    سلمت فوق قلبها عليهم تحت عينين مها التحذيرية... وقعدو يشكرو زعما فيها وفعايلة الجزار... وهي حاطة يدها على خدها وتخمم في حل...
    فالجيهة المقابلة ليها كان قاعد يسكاني فيها ويشوف في طايتها وخليقتها كي دايرة... مينكرش انو بوقوسة شوية... طايتها مليانة مع هاديك لاغوب... جاتو مليحة...
    كي خلصو القعدة داوهم في زوج لبيت صغيرة مش يتناقشو وحدهم.... خلاو ليسونس والنار.. ههه
    السكات والصمت... كل واحد يشوف فلوخر من الفوق اللوط.. وهي معاجبهاش خلاص.. سواد كلشي في عينيها...
    ".... هيا نقعدو ساعتين وحنا ساكتين هكدا... انطقي.."
    شافت معاه مصدومة من الطريقة لي حكا بيها.. ومع القلقة خنزرت فيه
    "... وشبيك بلاك حاسب روحك راجلي... هدا وين بدينا سبحان الله وباديها هكدا..."
    "... متقلقنيش بزاف.. ملخر قابلة ولا لا لانو انا صراحة معجبتنيش... تقول بومة حكلة... "
    هي بومة... مش مأمنة وش قاللها... الزين لي عندها يقول بومة...
    "... أنا بومة؟؟؟ انا تاني معجبتنيش ولوكان يصرا وش يصرا مانيش قابلة بجدك... أنا درصاف نتزوج بواحد ولد حومة شعبية كيما نتا... "
    ".......... ؟؟؟؟؟
    كتمان [ مكتملة ]حيث تعيش القصص. اكتشف الآن