كتمان [ مكتملة ]
جدول المحتويات

    أنت تقرأ

    كتمان [ مكتملة ]

    Short Story

    أول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...

    #اخلاف #اكشن #جزائرية #حب #عادات #عذاب #غرابة #كره #كرونيك #مرض #معامرة #نفسي #هوس

    الحلقة 40

    32 5 0 
                                        
    
                                              
    #كتمان 

    في بلاصة بعيدة... الدنيا مقلبة في دار الجزار.. اليوم خطبة دارين... فرحانين رغم راهي صغيرة اما جاوها خطاب بزاف.... و حمدلله قبلت بواحد فيهم...
    حبيبة تجري من ومن ماهيش قاعدة خلاص... اكم تعرفو التوجاد والجري تع الخطبة...
    ها القاطو ها فالفراش ها القش.... لازم كلشي يكون مثالي.... دارين فبيتها فرحانة وتهدر مع خطيبها.... هي كانت في علاقة حب بريئة معاه.... يعني جامي مشاو معا بعضهم..... تعارفو يومين وجا خطبها.... ولد حلال... حبها وجا للباب الكبير... وهي تاني تستاهل كانت مربية وجامي خانت ثيقة والديها.... خلات روحها عزيزة ورح تخرج عزيزة من دارهم... كملت كلشي وقعدت تسنا فالبيت... مع انو حبت علاء يجي لخطبتها ويوقف معاها ويحسسها ولو مرة انو خوها.... أما هادا دايما رح يكون حلم صعب المنال.... 
    اما درصاف قاعدة تشوف معاها بحقد كبير... ختها قل منها بربع سنين رايحة تزوج.... وهي واحد ما جا خطبها.... حاسة روحها حابة تطرطق بالغش... خرجت وراحت لبيت مها.... تندب وتخبط في روحها... مش عاجبها الحال... الغيرة و السلبية لي فيها حاجة مش عادية.... علاه هي دايما لي معندهاش زهر.... لي كبر منها زوجو ولي صغر منها زوجو وهي مزالت.... بالرغم العلاقات تعها لي كانت بزاف... والرجال لي تعرفت عليهم مكانش واحد تقدم لباب دارها وطلب يدها كي الناس....
    راحت لبيت دارين... وقعدت تشوف في التليفون تعها كشما تلقى حاجة تخرب بيها الخطبة... أما والو..... حية بسبع ريوس....
    لقاتهم مسجيين حالتهم والحطة والقفاطن... تقول عرايس.... وهي لابسة كيفهم اما قلبها مش كيفهم....
    يمكن عندها نفس وش عندهم.... قلبها كحل وخلا كل شي في عينيها كحل.... رجعت تعدل في روحها وتعاود.... حابة تكون خير من دارين.... بلاك العريس يخطبها هي ويخلي ختها......
    متستغربوش بزاف من شخصية درصاف... كاين لي كتر منها.... يحبو الفرحة ليهم برك... وغيارين وضعيفي شخصية.... وحاجة متعمرلهم العين.... لي تشوفو تحسدو وتموت منو..... نسات حاجة اسمها المكتوب.... مدابيها يكون كلشي كيما حابة.... تزوج واحد مرفه وعندو دراهم وتعيش لباس عليها وتفوخ على الناس.... هي سطحية ومادية..... وكلشي عندها دراهم ومزلتو تتصدمو كتر منها لانو هي نرجسية أنانية.... لي تحبو تديه ولو تعڨب على جمر..... 
    كملت الخطبة والجيران يحكو عليها... حتى خديجة كانت حاضرة.... فرحت من قلبها... أما من جيهة حازنة.... تمنات لو خطبتها هي وبلال.... توحشتو بزاف.... حب من طرف واحد أصعب حاجة اما شعور مميز يخليك عاشق مختلف.....
    كملو كلشي ولمو الدنيا وقعدو يمنشرو في عايلة العريس.... ودارين في وسطهم حشمانة.... و درصاف حاكمة التليفون وقاعدة تشوف كاش صيد جديد اما والو.... كامل يطلبو وفقرا.... 
    عند بلال.... وين كان مع صحابو برا... والسيجيات المعتادة..... لقاها خارجة مروحة لدارها... بعد خطبة ختو.... قلبو دق ورح يجري عندها.... 
    ".. خديجة نحبك...." 
    انا تصدمت ونتوما تصدمتو وكامل تصدمنا... 
    هي شعرة وطاحت... دورتلو ويديها بالمفتاح... جسمها نمل وقلبها حبس من الخلعة.... 
    "... ااااا تتتتتهددددررر معايا...."
    تبسم معاها وضحك... 
    ".... لالا مع خالتي لي في الباب...."
    دورت تشوف ملقاتش مها... خنزرت فيه والنظرة العاشقة مزالت في عينيها.... ،هو فهم وش في بالها.. 
    ".... أنا نحبك خديجة نموت عليك ونعشق فيك.... كلشي فيك نحبو... جلابتك وشعرك... مكياجك هههه والحماير الغوج تعك هداك نحبو..... علابالي طولت بش قتلك... أما كنت خايف نضيعك معايا.... خايف نزيد نعذبك ونتي كنتي معذبة.... نتي تعبتي وتحملتي مسؤولية كبيرة على كتافك.... أما مقدرتش نخبي... "
    ضحكت وفي عينيها الدموع.... حلمها تحقق وهاهو حبيب القلب اعترفلها... تلاحت حضنتو مش مهتمة وين راهي ولا الوقت.... لمهم تحس بنها حية.... 
    رجع زير عليها واحضنها.... اخيرا ارتاح ورتحها معاها.... ❤️❤️❤️❤️❤️
    .... كان يحبني.... نطقت بيها بشوية... وكملو قلوبهم بنغمة هادية لوحة الحب بعد التخلي عن الكرامة...
    كتمان [ مكتملة ]حيث تعيش القصص. اكتشف الآن