كتمان [ مكتملة ]

الحلقة 11

#كتمان

رجعت للواقع... ودورت لجيهة الكارو لقاتهم جاو عندها يديوها محبتش تنزل... وهو الشوفة مشافش معاها.... باقية تناجي فيه يعاونها... وهو كان في صراع لداخل مسمع والو من لي قاعدة تقولو نفس الموقف تعاود معاه... نفس التوسل والألم نفس العذاب..... لكن بشخصيات مختلفة... وهو رح يكون المنقذ مش الضحية... علاه يعاونها وهو كي كان يتعذب معاونهوش علاه هما انانيين وهو لا..... علاه وكيفاه معلاباليش هو علابالو😈💀
هبط بشوية... والشيطان يمنع فيه ويوسولو يخليها تتعذب وهو يتفرج..... والضمير الصغير لي قاعد ينزف في قلبو قاعد يرجع فيه الانسانية لي ضاعت منو....
شافوه نزل منها.... ونطق كلمة صغيرة... "اركبي"
تبسمت والدموع في عينيها.... الأمل رجعلها من جديد
"... اسمع نتا... روح ودير روحك مشفت والو.. مدخلش روحك ولا نكسرولك فيقورتك هنايا.."
تبسم تبسيمة خفيفة....،حاب يجرب يضرب واحد بلا حساب... عجبتو الفكرة....
واحد تلاح ليه ولوخر حكم فتون متلقهاش والطفلة كانت خايفة في الطموبيل....
بدا الضرب... خلاه يضربو مرة مرتين وتلاتة وجهو زراق ويديه كانو فالجيب.... كي حسب لتلاتة عطالو ضربة لوجهو.... خلاتو يطيح يدوخ..... تبسم بشيطانية ونفس الشي مع التاني حتا ترماو في زوج.... كانو زوج ضربات قاويات وكانو اول ضربات ليه في حياتو.... اول مرة يحس روحو حي وماهوش ميت...
شاف معاها... وراح ركب فالطموبيل... وهي ركبت معاه فرحانة.....

كملو طريقهم للمجهول..... الصمت كان غالب... حتا نطقت هي
"... مرسي كي عاونتني منهم.... تقدر تحسبني في بلاصة قريبة من البيس"
كمل سوڨانو ومش لاتي بيها....ومن هنا تبدأ قصة المهابل تعنا.... كل واحد ومعاناتو وكل واحد وقصتو..... مختلفين انما قلوبهم متشابهة
مجانين لكن عقلهم صاحي....
الجنون احيانا هو أساس الحب والعلاقات... وقصتهما التي كتبت ستكون من قصص الحب المجنونة.... لن تكون مثالية.... ستكون غريبة... 🖤
كيفاه معلاباليش هما علابلهم😈☠️