كتمان [ مكتملة ]
جدول المحتويات

    أنت تقرأ

    كتمان [ مكتملة ]

    Kısa Hikaye

    أول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...

    #اخلاف #اكشن #جزائرية #حب #عادات #عذاب #غرابة #كره #كرونيك #مرض #معامرة #نفسي #هوس

    الحلقة 90 و الأخيرة

    91 4 2 
                                        
    
                                              
    #كتمان 

    ساعات الحب مش هو الحل فالعلاقات... الاحترام والصبر والثقة... هو لي  يخلي اي علاقة تنجح...
    درصاف لفعة... الشخصية المكروهة والشريرة فالكرو... من جيهتي نعتبرها انسانة عادية واقعية... لانو كاين بزاف من درصاف عايشين معانا ونعاشروهم كل يوم وكل دقيقة... البنت القاسية الأنانية.... ليوم هي انسانة اكثر رحمة ولطف  .... متستغربوش.... ربي هو الرحيم والغفور والهادي ...... الشر لي دارتو في حياتها وحياة الناس خلاها تعاني من العقم الأبدي .... ايه متقدرش تجيب لولاد... وهذا خلاها تعاود تراجع حياتها وماضيها.... لقات بنو هي طول عمرها تشوف الجانب السيء من الدنيا... جامي شافت انو الدنيا حلوة وفيها احلام وطموحات.... هي اعتبرت الدنيا مادة و دراهم... بصح كي خسرت صحتها لقات بنو كلشي فاني وحاجة ما تدوم غير الخير لي درتو فالناس وفي روحك....حاولت تتبدل و مزالت تتبدل ...الكبرياء والغرور مزال متجسد فيها اما مع الوقت راح تلقى واش يناسبها..... 
    صح طلقت بعد عامين  زواج برك من ياسين... لانو هو حاب لولاد و زيد هي مقدرتش تمدلو مشاعر واحترام كامراة لزوجها كيما هو مقدرش بعد لي دارته هي .. خلاتو يعيش حياتو و محبتش تظلمو معاها. وليوم ولات تخدم في شركة صغيرة .....قدرت تبني حياة مليحة ....وساعات تتطوع في سبيطارات والجمعيات باش تعاون الناس .....
    علاقاتها مع خاوتها وعايلتها نعدمت.... وهذي شي طبيعي لواش دارت انهم يعاديوها... أما راح يجي نهار و تتشجع فيه وتروح تطلب السماح منهم.... وهذا النهار نشاله قريب... 
    عايلة الجزار... كل واحد وين عايش.. معتز ولا عتدو تلت ولاد... ملاك وزوج توأم صغار..
    ايهم عندو طفل وسافر هو ومرتو للخارج... دارين تاني زادت عندها طفلة وطفل وراهي هانية مع راجلها وولادها... زاكي الصغير او خاطب درك ويسنى وقتاش يزوج هههه مزروب خونا......و سي موسى وحبيبة عايشين
    يكملو في عمارهم مع ولادهم وحفايدهم...
    يمكن هاديك الليلة كانت هي مفتاح كل مشكل فهاد العايلة.... كل واحد دا نصيبو من الدنيا.. لي دار الخير لقاه ولي دار الشر لقاه وتجازى عليه..... علاء رغم الشي لي قاساه وفقدانه للأمل في حياتو الا انو لقا السعادة.... والأجمل انو كانت مع فتون لي هي تاني قاسات من الحب والخذلان يمكن اكتر منو... خديجة وبلال الأحجية الغير مكتملة لانو من الاول المكتوب متكتبش بيناتهم.. درصاف..... المذنبة التائبة..... 
    بلاك كاين أسرار متكشفوش وقعدو مخبيين.. وهذه حكمة لانو اذا عرفت فتون انو هي الطفلة لي حاولو يختصبوها  فالصغر رايحة تتعقد الحياة تاعها و يمكن تولي نسخة من علاء... واذا عرف علاء بنو فتون هي بنت المرأة لي دمرت حياتو رح تتأزم حالتو..
    من الاول القدر حكم في حكايتهم بلا تعقيدات بزاف... علاء لفتون وفتون لعلاء..... 
    السر تع أسماء بير غامق لانو منقدروش نحكمو عليها وحنا مسمعناش وجهة رأيها..... لانو قادرة تتقلب الحكاية كاملة..... 
    يمكن علاء كان كاذب فالحكاية الكل؟؟؟.يمكن اسما كانت ضحية..... ؟؟؟ وهادي ما الا كرونيك مش رايح يتكشف كلشي فيها لأنها كتمان وستظل كتمان... ♣️ لماذا ؟ اقسم لكم لا أعرف ولكنه يعرف 🖤
    #النهاية ♣️
    كتمان [ مكتملة ]حيث تعيش القصص. اكتشف الآن