كتمان [ مكتملة ]
جدول المحتويات

    أنت تقرأ

    كتمان [ مكتملة ]

    Historia Corta

    أول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...

    #اخلاف #اكشن #جزائرية #حب #عادات #عذاب #غرابة #كره #كرونيك #مرض #معامرة #نفسي #هوس

    الحلقة 82

    33 4 0 
                                        
    
                                              
    #كتمان 

    القلوب تصافات و أخيرا... علاء تخلى على كتمانه وخوفه الدايم وربح قلوب عايلتو من جديد... كملو لمتهم فرحانين... حتى فاجئتو مو بسؤال...
    ".... هاديك البنت لي تجيبها معاك صح مرتك؟
    ولا غير كنت جايبها غير بش..."
    كامل نساو على موضوع هاديك البنت... حتى تفكرتو مو درك..
    "... هي... وي تزوجتها... ودرك راهي رايحة تجيب طفلة..."
    نطقت درصاف من لهيه شاكة في حاجة مش هي..
    "... وين علابنا بنو ملعبتش عليك وهو ولدك.. اصلا نتا لدرك مشكوك فيك كيفاه راح تجيب ولاد... "
    "... درصاف اسكتي علينا.. متخلينيش نغلط فيك.."
    شاف مع باباه ومو مسني ردة فعلهم... هما اصلا جامي دخلو في حياة ولادهم.. طول عمرهم يساندوهم وميفرضوش عليهم..أما حكاية زواج علاء جاتهم غريبة... كتاه لحق يتزوج ويتزاد عندو طفلة...
    شاف معاه باباه متبسم...
    "... جيبها نتعرفو عليها مليح كاش نهار... جات مرتين ودايما مع المشاكل... خليها تحضر لفاتحة  درصاف بعد غدوة... نشوفو مرت ولدنا وأم حفيدنا..."
    هزلو براسو موافق على هدرتو.. رتاح من هدا الجانب.. لانو كان خايف انهم ميتقبلو هاش بيناتهم...
    محسو غير بدرصاف ناضت من بلاصتها ووجها ميتفسرش... كيفاه فاتحة؟؟؟ كتاه صرا هدا الكل... وهي ويني... وأيمن...؟ ؟؟
    "... مفهمتش وينا فاتحة هادي..؟؟ "
    "... سي حميد جا هو وولدو ياسين و تفاهمنا.. هو اعتذر مني وطلب نديرو فاتحة بزربة وعرس لشهر لجاي... وهكدا خير نسبقو الخير.."
    ".... حمدلله يا ربي.. أنا قلت خلاص الطفلة بارت هنايا.. يوويويويويويوي بنتي رايحة تتزوج وجا مكتوبها..."
    علاء تصدم هو تاني... قاعد يراقب فملامح درصاف لي باينة رايحة تموت فالبلاصة.. تبسملها وهزلها براسو... وهي كشرت في وجهو وراحت تبكي في بيتها... واحد ما لاتي بيها.. لمهم انهم يتهناو منها... علاه يكرهوها... علاه حابين بسيف يزوجوها لواحد مش حابتو من اللول...
    عاشت الفقر في صغرها... البنات الكل في البريمار يلبسو ويعدلو... وهي كانو يعيطولها الكشرودة الطلابة.... لفترة هاديك كانو والديها هدا وين انتقلو للحومة واوضاعهم كانت صعبة..... طول صغرها تحلم تروح بالطموبيل للبريمار... تحب تعيش فديار كيما كانو صحابتها.... تحب تلبس لي غوب سواغي.. هذا حلمها البسيط... طفولتها كانت صعيبة بزاف.. عانات من التنمر والظلم.... كامل كانو ميحسوش بيها... كانت تسرق اللمجة وتاكل من السلة تع القسم من الجوع...
    كانت متشوفش ومعدلاتها هابطين خاطر متشوفش الكتيبة... متقدرش تقرأ ووالديها مدارولهاش النواضر بسك كان غالي الطبيب..
    لفترة تع المعاناة هاديك عايشتها... وكانو ينحيو منها هي ويمدو لعلاء... كان صغير فهاديك الفترة... كلشي من حقها كان ليه ولدارين....
    هبطو دموع من عينيها... كرهت كلشي في حياتها... درصاف قاعدة تبكي درك.. هاديك الأنانية الحجرة... تبكي بحرقة على روحها.. صح هي شريرة... أما كل شرير هو إنسان خانتو الظروف وقهرتو فحاربها وتمرد ضدها..
    ولا يدير عكس وش فرضتو هي... 
    ♣️♣️♣️♣️♣️♣️♣️♣️♣️
    أنا أحس بنيران تختلج أعماقي... 
    أتعرفين ما سببها؟؟؟ 
    .... هي الحقد والكراهية... 
    وهل ستتخلصين منها وتخمدينها... ؟؟ 
    ههه.. لا يمكنني ذلك.. لأنها تحولت لكيان يشن معارك على كيان الخير داخلي... 
    ... ومن سيربح الحرب..؟؟؟ 
    .... لا أعرف... ربما ستنتهي ذات يوم.. وربما ستكون معركة طويلة إلى أجل مجهول...
    🖤🖤🖤♣️👿
    كتمان [ مكتملة ]حيث تعيش القصص. اكتشف الآن