كتمان [ مكتملة ]

الحلقة 23

#كتمان

كانت مرة تبكي ومعاها عايلتها يسكتو فيها... وتهدر على عملية ولدها لي راه يصارع الموت والحياة....
تأملهم لحظات.... هادو المشاعر يستفزوه.... بحكم مجربهمش.... هو عندو كلشي عندو مقابل... علاه يبكيو عليه؟ راح يموت رح يتهنا.... علاه خايفين عليه.....
وهو كي يموت يلقا لي يدفنو ويبكي عليه.... يلقى لي يدعيلو بالرحمة..... يلقا لي يسقيلو قبرو ويجيبلو النوار كل يوم.... لا الجواب كان لا.... معندو حد يشفق عليه.... او يحبو، ضحك باستهزاء... وتمنالو للراجل للداخل الموت.. خليهم يتعذبو شوية.... ههه
عدات ساعة... خرجت الطبيبة وهو يسنا تقولو ماتت وتهنا من همها.....
".... المريضة كانت في حالة صعبة.... قدرنا ننقدوها هي والجنين.... حمدلله شوف خويا حاول تنتبه على مرتك..... نتوما مزلتو صغار وشباب حاولو تحملو المسؤولية.... رح نوصفلها دوا وماكلة ولازم تعدي على طبيب نسائي.... والمدام عندها يومين بلا ماكلة.... هدا استهتار.."
خلاتو مصدوم ويعاود كلامها في رأسه..... هي حامل... وزيد قاتلو مرتك.... مش مأمن يعني هي كانت عاهرة لإلياس هداك..... باينة

سمع ضحك وحس، دور للجيهة لخرا.... شاف هاديك العايلة فرحانة بنجاح عملية ولدها..... كرز على سنيه وعض شاربو التحتاني... الدعوة تقلبت عليه... وهو لي ولا في مشكل درك... كيفاه رح يدير....
قعد يسنا شوية في الكرسي...
".... ولدي ربي ينوضها بالسلامة نشاله..."
نفسها العجوزة.... تقول حطو وحدة وهزو وحدة..... هو لي كان يدعي على ولدها بش يموت.... قاعدة تدعيلو ليه......
دخل لبيتها.... لقاها بلبسة المرضى ووجها صفر، قطرة دم مكانش فيه...... قعد في الكرسي لي مقابلها يشوف معاها.... ويحاول يتوقع ردة فعلها..... لازم ديرلو إجهاض..... مع انو الامر ميهموش اما رح يجيبلو وجيعة راس.... وهو مش قادر يتحملها.....

سمعها تململ...... وتهمس باسم الياس... وتتبسم.... في عالم الأحلام تاعها خايفة تنوض وتزيد تتصدم بواقع حملها المفاجئ....
فتحت عينيها بشوية.... تنهدت ودروت راسها تشوف وين راهي..... لقات روحها في السبيطار.... ولمحتو قاعد جامد كالتمثال رمشة مرمشها.....

"..... وين راني؟؟ رجعتني لهداك السبيطار هئ هئ. حرام عليك علاه رجعتني لتما.... رح يرجعو يضربوني....."
مفهمش علاه واه تهدر.... يعني هي كانت في سبيطار.....مخممش منين جات ولا وين كانت عايشة... طرطق صوابعو.... وشاف معاها وقال.....