#كتمان
🖤♣️الحلقة ٣٧🖤♣️
عدات يومين واحمد يسنى في علاء يعيطلو... متأكد انو رح يجي..... قعد يشرب قهوة... حتى صونا تليفونو هزو ملقاش اسم....
جاه صوت علاء باين تعبان ومهدود اما نبرة الغرور والبرود ديما مرافقتو.....
"..... ابعتلي العنوان تع داركم...."
تبسم بانتصار وملاه عليه حتى كوبا.... نحا من يدو التلفون ويخمم وش نوع العلاقة بين هدا وبين اسما..... ميقدرش يكون عشيقها راهي كبيرة عليه بزاف..... جاتو حاجة غريبة اما الأهم درك انو ينقذ سمعتو..... ورح يضحي بفتون على جال هدا....
في الجانب لآخر طيش التلفون من يدو و راسو مهدود.. حالتو ماراهيش تعجب.... لازملو طبيب في أقرب وقت.... كلشي مضرور... نفسيتو ،الكور تاعو ، حياتو..... تنهد بألم وناض شرب الدوا..... لازم درك يعرف منين عرف هدا اسما وحكايتو معاها... طول جات لبالو فتون.... لخداعة ولكدابة..... ذرة الإعجاب لي كانت ليها تمسحت من قلبو... دارتو لعبة ودخلتو بسيف بحياتها..... ندم على النهار لي عاونها فيه.....
دخل دوش بالما بارد.....
لبس بزربة قشو وهو فاشل وخرج رايح لدار فتون....
♣️♣️♣️♣️
عندها هي كانت ترد فالدوش ووجها صفر... ولي يجي يزيد عليها.... ناضت تبكي ولات حساسة بزاف..... ومع الضغط بزاف..... نفسيتها معقدة..... تسنا بالدرج بش ترقد..... حتى شهيتها مقفولة.... والوحم راهو جايها على علاء..... كرهت روحها.....
خرجت لقات مها قاعدة تسنا فيها... شافت معاها بغضب مزيف....
".... مزلتي برك باركتلي هنايا... اهبطي عاونينا فالماكلة..... حتى يجي الهم هداك.... قالك باباك بلاك اليوم يجي ولا غدوة ادا لحق بكري.."
ضحكت بفرح ومها مستغربة منها..... هرمونات هبلوها..... هبطت تطيب معاهم وزاهية.... وواحد ما حملها لي تقرب منو يبعد.... ولات كيما فيروس في العايلة.... كل واحد يوصي ولدو بش يبعد على المهبولة هادي...
غاضتها روحها.... علاه يكرهوها دايما هكدا... علاه ميحملوهاش.... كملت هداك الغدا بسيف وطلعت لبيتها تبكي....
كانت الساعتين تع الليل واحد ما يتسعى برا غير السكايرية والرجال شوية.... كان يسوق جاتو الطريق بعيدة على مدينتو بزاف....
حبس قدام الفيلا واخيرا..... باينين لباس عليهم ومع الطموبيلات.... علاه وحدة كيما هي تهرب من دار كيما هادي...
نزل ومخممش ادا راقدين ولا لا ميهتمش.... زدم طول وطبطب طول على الباب.... طبطب بقوة....
ناضو مخلوعين... شكون هدا لي زادم فهاذا الوقت... هبط احمد وموراه الجد وزيد مرتو... أما فتون فكانت في سابع نومة مش حاسة بلي صاير اصلا.....
حل الباب.... شافو قدامو طلع عينيه فيه وباين مقلق..... دخل وزدم.... عاود ردهالو ودزو وبقا يتأمل فالدار هادي....
".... وش مهبول زادم عليا على الساعتين تع ليل.... مكش مربي تحترم حرمة ديار ناس..."
طلعو من راسو لرجليه.... وابتسم بسخرية
".... البس بوكسارك وأرواح قابلني سع.... منيش فارغ شغل.... هيا سربي وش عندك.."
حفصة حلت عينيها من الشوك.... واحمد وجهو حمار....هادا الطفل منين جاي....
حمحم بشوية...
"... مزال ليل... غدوة نجيب الإمام و راجل من البلدية بش يزوجكم...."
".... شكون لي قالك جاي نزوج بنتك.... أنا جاي تقولي وش تعرف على...... هديك المرة.. "
مقدرش ينطق اسمها.... رعشة سرات في بدنو كي تفكرها...
".. ههههه وش نتا مريض... بنتي تتزوج بيها وتسترها... وحكاية اسما.... كي تخلصو كلشي نقولك وش نعرف عليها.... "
شبح يدو... وطرطق صوابعو.... حتا تطحنو عظامو... كيفاه يزوج هادا... حب يهبلو... يحبو يقتلوه هادو.....
كان قدامو خيارين.... أما يعرف اسما ويني وينتقم منها.... ولا ميعرفش ويموت معدب...
تفكر كلام الطبيب.... مش لازم يضيع لوقت
هزلو براسو.... واعطاه الموافقة...
".... هه مبروك علينا يا ولد بنتي الغالي.... درك نقولهم يوجدولك بيت تبات فيها.... حتى لغدوة..."
شاف معاه ببرود ومشا وخلاه ورد الباب موراه حتى خلعهم..... منيتو هادا.... غير دار الناس ميباتش فيها....
أنت تقرأ
كتمان [ مكتملة ]
Short Storyأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)