كتمان [ مكتملة ]
جدول المحتويات

    أنت تقرأ

    كتمان [ مكتملة ]

    Short Story

    أول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...

    #اخلاف #اكشن #جزائرية #حب #عادات #عذاب #غرابة #كره #كرونيك #مرض #معامرة #نفسي #هوس

    الحلقة 45

    37 4 0 
                                        
    
                                              
    #كتمان 

    جا الصباح.... ناضت وراسها يوجع فيها... راحت ردت وش كلات كامل... وتفكرت  وش صرا لبارح.... عينيها تشرعو.... وراحت تحوس عليه مدام هي مصرالها والو يعني هو شرب السم... قعدت تحوس عليه... حتى لقاتو خارج من البيت... لابس شورط بلا تريكو... قابلها بظهرو.... شهقت كي شافت الجرحات في يديه ورجليه من تحت.... اول مرة تشوفو عريان...
    دور ليها وطلع حاجبو مبعد تفكر وش راه لابس... مينكرش انو حشم منها شوية... لكن غطا حشمتو بالبرود....
    "...وشبيه ظهرك هكدا.... ؟؟"
    تبعتو تجري للكوزينة موراه وتسقسي فيه
    "... والو"
    ".... هات نديرلك فاصمة عليهم...."
    ".... مديريش منسحقش... وجدي روحك خارجين..."
    جات رايحة تحط يدها على ظهرو.... حكمهالها وشبح عليها بين يديه
    "... عندك تخمي مرة خلاف تقيسيني..... هدا غير تحدير ليك..... نعافك ونكرهك.... ولكان حاسبتني مسامحك غير راجعي روحك..."
    طلق من يدها وراح للدوش يغسل يديه من لمستها.... وهي هبطت راسها وراحت تبكي...
    كأنو جا عطاها كف وفيقها من عالم الأحلام لي كانت فيه... لبست سروال وتريكو من لي جابهولها وطلعت معاه فالطموبيل معلابلهاش وين مديها.....
    شافت فالطاقة الناس ولولاد..... توحشت تخرج دور وتضحك..... توحشت صحاباتها... توحشت تكون فتون.... البريئة الطاهرة...
    حست بيهم حبسو... لقات روحها قدام عيادة نسائية.... دورت ليه تستفسر واش كاين
    "... اهبطي عندك رونديفو معاها على العشرة.."
    بقات متعجبة منو.... هاد العبد كل مرة بشخصية..... ساعات تحسو مهتم بيها وحنين وساعات يتقلب ويولي شيطان... هبطت وهو موراها... 
    قعدت هي وياه فالكرسي وتراقب فتحركاتو... كي يطلع نواظرو ويعض شاربو... حتى دخلت هي وهو قعد يسنا برا... 
    كانت أسئلة روتينية...عادية.... أما جاها سؤال خلاها تبلع ريقها... 
    ".... أنت متزوجة؟؟" 
    يمكن هاد السؤال عادي واي عبد يسقسيه اما هي جاها معقد... متقدرش تجاوب.... وش رح تقول.... 
    ضحكت الطبيبة وفسرت سكاتها على انو خجل... 
    خرجت ملتما وهي تخمم الطريق لي راهي تمشي فيه.... نضجت جسديا ومعنويا.... قاعدة تخمم المصير وين مديها.... علاه ماهيش سعيدة وفرحانة في حياتها... 
    غلطت صح... وكانت مذنبة اما مش من حقها تعيش حب وتتحب.... مش من حقها تزوج راجل يحبها ويعزها ويحترمها... 
    مشات هايمة ومعلابلهاش وين رايحة.... لقاتو قدام الطموبيل وساهي..... 
    خطوات ثابتة رزينة.... خلاوها تبلع ريقها وتشوف في عينيه مباشرة.... تواصل بصري من عينيه إلى عسليتها..... خلاتو غايب نسا العالم تاعو ونسا المو وعقدتو نسا مرضو وماضيه وجروحو.... نسا كتمانه...... حكمتلو وجهو ويديها يرجفو.... علابلها راهي تخاطر بروحها هكدا..... 
    لكن لازم تجرب.... هي حابة تنسا الياس وحبها ليه.... حابة تعيش حب الأفلام مع علاء.... البطل المجنون..... 
    باستو فخدو بوسة حنينة.... توصل رسالة سلم ليه... رسالة تخليه يفتح قلبو ليها.... وهمست فودنو..... "... حاول تنسى..."
    كتمان [ مكتملة ]حيث تعيش القصص. اكتشف الآن