كتمان [ مكتملة ]

الحلقة 63

#كتمان

"..... سمعت يما تهدر مع مرة... وفهمت بنو جارتها جديدة..... قعدت نرسم ومهتميتش بيها.... حتى سمعت خطواتها دخلت للصالون منين كنت انا.... طلعت راسي شفت ملاك قدامي.... مرة فالثلاثين شابة بزاف وشعرها احمر قصير... ضحكت معايا وانا حشمت وهبطت راسي.... كنت صغير ومعرفتش نواياها ولا وش كانت حابة.... "
سكت للحظة يستدرك هداك النهار... طمنو الطبيب بعينيه بش يكمل... بلع ريقو... و السخانة حاس معاها طالعتلو.... تنفس بشوية..
".... علابلك وش اسمها هاديك المرة هههه اسمها اسماء... نشفا عليها جات مسحتلي على شعري وضحكت وقالتلي
".... شعرك رطب بزاف يهبل عندك تنحيه.. "
هزيتلها براسي فرحان وخايف في نفس الوقت
... ضيفتها يما وروحت... ووليت نسناها تجي عندنا... كانت تجيبلي الألوان الغاليين والحلوة.. وبحكم عايلتي كانت زوالية هاديك الفترة... مكانوش يشريولي حوايج بزاف.... "

عدات تلت شهور واسما هاديك تجي عندنا.. وولات هي و يما صحابات وبما انو هي كارية برك مكناش نروحو لدارها....
فهاديك الفترة حسيتها تبدلت حتى في معاملتها معايا.... كانت تقولي بنو انا شباب بزاف وزينون...كانت تمسلي شعري بزاف... صراحة انا كنت منحبش لمساتها هدوك بزاف.. كل ما تقيسني نحس بالقشعريرة في ذاتي.. كنت ملايكة صغير منعرفش ....
ههههه جا نهار لي تبدلت حياتي وتدمرت فيه.. كنت برا قاعد نلعب مع اللولاد حتى عيطتلي بش نروح عندها... فلول محبيتش لانو حسيت بالخوف.... أما قدرت تقنعني وتغريني بالألوان المائية لي نحبهم... طلعت نجري حلتلي الباب وفي فمها ابتسامة معرفتش نفسرها هاداك النهار...
دخلت وهي قدمت ليا وباستني في شواربي.. أنا بعدت عليها وقتلها بنو عيب وربي ميحبش متزيديش تبوسيني ملتما....
ضحكت هي وهزتلي براسها... تمنيت لوكان نهار هداك مطلعتش عندها مقدمتش ليها ومسمعتش كلامها....

دخلتني لبيت تاعها... وحطتني فوق السرير في كل مرة كنت نسقسيها على الألوان تنسيني فيهم.... بقات تقيس فيا في أماكن محضورة... أنا لتما بديت نبكي ونقولها بعدي عليا مفهمتش وش كانت تديرلي... وهي تسكت فيا وولات تنحيلي في قشي... وانا بقيت نبكي.. "

هبطت دمعة من عينو تلاوها دموع سنين وقهرة.... دموع اغتصاب رجل... مصطلح غريب علينا اما هادي هو الواقع... مرة اختصبت طفل كيما ولدها... دارت علاقة محرمة جنسية معاه ومرحمتوش...مقدرش يكمل الهدرة... حاس بروحو مخنوق... وصوتو محبش يخرج...
أسامة كان في حالة تأثر كبيرة... متوقعش بنو هادا الشي كامل هازو في قلبو... #كتمان سر لمدة طويلة يخليك تتعذب... أي واحد في بلاصتو راح ينتحر ورح يموت....
".... لكان متقدرش تكمل ليوم أرواح غدوة.. مانيش حاب نضغط عليك كتر...."
هزلو براسو بلالا ومسح دموعو بتريكوه... غمض عينيه ونطق...
".....جامي رح ننسا هداك النهار نهار دمرتني اسما.... كرهت روحي وكرهت برائتي... كنت حاب اهتمام وحنان... يما كانت تتلهى بخاوتي كتر مني... تحبهم كتر عليا... غرت بزاف وقلت اسما هي امي الثانية ورح تحبني كيما هما...

ظلامت الدنيا في عينيا... وروحت للدار نبكي ويما تسقسيني وشبيك نقلها والو.. ضربوني برك... ارواحي يا يما تشوفي ولدك وش دارولو ارواحي تشوفي كيفاه دمروه....
تأمن بنو مقدرتش نقعد على الكرسي لسمانة.. كانت تحرقني مل تحت... وتوجعني... هههه

ملتما ولا كابوس اسما ولات شيطان بشري.. كنت نهرب ومنحبش نروح معاها.. َكانت تقولي لوكان متجيش ندي ختك معايا.... أنا خفت تزيد تتعذب ختي كيما انا... ضحيت بروحي علا جالها...
كان يقدر اي واحد من خاوتي يكون فبلاصتي
اما تخيرت انا بش نتعذب ونسكت... علاه ؟؟؟ لانو انا عليلو الخواف تع الحومة....انا المعقد انا المخنث.....
واكتر صدمة هي انو ختي درصاف كانت تخدعني وتديني عندها.... وي ههههه متستغربش على جال بش تمدلها دراهم بش تشري كي صحاباتها... تجبدني كي الحمار وتديني عندها للدار... تفرغ فيا شهوتها... وش ذنبي انا... انو هي شيطان ومتخافش ربي.. وش ذنبي انا.....