كتمان [ مكتملة ]

الحلقة 47

#كتمان

طبطب الباب.... خرجت لقاتو بلال يسنا فيها برا عرسهم قعدلو شهر برك.... ماهيش مأمنة بنو رايحة تولي مرتو خلاص.... لبست وخرجت معاه ومعا مو يدورو و يقضيو حوايج بحكم هو حا يكري وحدو مش فالدار وهي موافقتو فكلشي لمهم معاه وخلاص...

خلصو كلشي وروحو... توادعو هي وياه وحاستو ليام هادي مش مليح دايما تايه ويخمم.... محبتش تقلقو اما خوفها سكوتو الدايم هادا.... بعتتلو ميساج في سع ردلها
"....بلال وشبيك مراكش مليح ليامات هادو كاين برلام.. ؟"
"... لا نورمال عادي.... نتي كشما بيك.. ؟؟ مزال ناقصك حوايج..."
ناقصها حوايج بزاف.... مقدرتش تهدرلو... كلشي دارهولها هو.... حست روحها ثقيلة عليه من جيهة المصروف هادا كامل وزيد هو مش خدام.....
"... لا ههه كلشي واجد وبقالي دراهم... متخافش... رح يكون عرس مطرطق.. ههه "

"..... نشاله بب... "
"... بلال لكان مقدرتش على الكرا تع الدار نورمال خلي عليك نقدرو نعيشو مع خالتي حبيبة حتى يفرج ربي...."
"... خديجة قتلك متزيديش تجبدي سيجي هادا... أنا مانيش محتاج... راجل وقادر على شقايا.... حاب نخرج ونكري وحدي... "
تنهدت وزادت بعتتلو
"... بلال... شوف انا عندي دراهم بقاولي اديهم واكري بيهم.... حتى نلقاو الحل... "

لقاتو عيط... خلعها.. هزت عليه بزربة
".....شوفي خديجة متلقينيش حسبتني مش راجل مش تمديلي دراهمك وتصرفي عليا... أنا نعرف ومدام رايح نتزوج لازم ندير التاويل لعمري...."
"... أنا ما قلت والو.. الو الو بلال.. "
لقاتو كوبا عليه وطفا التلفون.... غاضتها روحها مفهمتش وش بيه ياكل في روحو وحدو... حلفت ما تحكي معاه حتى يراضيها ورقدت مغشة... وهو النوم مشافوش وحكاية الحرقة رجعت لمخو... وزيد كاين فلوكة بعد سمانة تروح.....
قرر يروح ويغامر..... يا يعيش ويعيشها معاه كيما حابة يا يموت ويخليها تزور قبرو....

♣️♣️♣️♣️♣️♣️♣️♣️♣️

".... ماما الباب يصوني...."
".... روحي حلي الباب واسكتي علينا...."
راحت درصاف تحل لباب... لقات مرة كبيرة هي ومرة حاملة صغيرة معاها.... جات مها تجري سلمت عليهم وتعنق وتبوس....
دخلتهم للصالون ودرصاف مهتمتش بزاف.. طلعت لبيتها تكونكتي شوية

".... يختي ليلى والله توحشناك غيبتيها... "
ضحكت بشوية
".... الله لا يغيبك عزيزتي... اكي تعرفي راني مع سارة.... وقربت تولد..."
"... ربي ينوضك بالسلامة بنتي..."
"... يعيشك طاطا..."
"....ونتي حبيبة كاش جديد.... كاش زواج..."
"... والله زوجتهم كامل.... حمدلله كل واحد حاكم دارو بقالي الصغير خلاص ودرصاف و علاء...... "
".... اه ربي يهنيهم نشاله... كل واحد وكتاه مكتوبو متخافيش.... "
".... يخي مش درصاف كبيرة على دارين... ؟"
"... هيه كبيرة عليها... "
"... وكيفاه زوجتيها قبل ختها.... على الأقل سنيتي حتى تزوج هي بسك راكي تعرفي الناس... "
"... والله مكتوبها جا ومنقدرش نظلمها.... ختها مكانش خطاب... تقول ساحرينها الطفلة مفهمتش علاه لدرك متزوجتش.... "
"... واش نديرو هادي هي المكتوب تع ربي ونشاله يجي مكتوبها... "
"... خالتي عندي خو راجلي..... هو تاني مزوجش لدرك... وعجوزتي ضل تقولي نلقالو كش طفلة بنت حلال وادا كان كاين مكتوب علاه لا نشوفلو درصاف.... "
دورتها حبيبة في رأسها... هدا وين فاقت بنو بنتها بارتلها... نساتها خلاص...
هزتلها براسها تع هيه وبداو يتناقشو بش يتعارفو العايلتين مع بعض