#كتمان
يمكن القدر مكانش عادل في قصة خديجة وبلال... أما اسكو راح يتعاود نفس العذاب مع عصام... ربما ؟؟؟
♣️♣️♣️♣️♣️
"... علاء وش رايحة نلبس انا..؟؟ حاجة ما رايحة تجيني درك...."
مسح يدو من لي كولور بطرف وسمطها... بن عمي شحال تهدر لمرة هادي.. متسكتش ولا النسا كامل كيفها وهو مكانش عارف...
"..... علاء راني نهدر معاك.. حوايجي كامل تع خرجة... حابة حاجة نلبسها في عرس ختك.. وزيد رايحة نتعرف بعايلتك.. علاء... اااا علاء "
".. بلعي جدددد فمك... شحال تهدري خلاه فهمت سديه شوية... مفهمتش علاه تقلقي في جدي درك.. مبعد نخرجو نشريو غوب ليك.. خلاص.."
لبولة شعرة وطلقتها من صوتو... مشات تبكي وخلاتو....مسح وجهو و تأفف... لهرمونات تعها رايحين يهبلوه...... سمع صوتها تطلق... غاضتو ووزيد ملازمش تتقلق ومبقاش بزاف للزيادة تعها... حاسس بالخوف كتر منها...
".... هيا نوضي خارجين درك... مكلاه تديري لغدا درك ناكلو برا..."
سمطتو وشعلت التليفون تبربش فيه... خليه يذوق من الكأس تاعو... على العام وهو هكدا..
".. راني نحكي هنايا مش وقت دلالك... هيا"
"... منروحش روح وحدك.... ولا نقولك دي معاك اسما لي دال تحلم بيها..."
"... فتوووووون نوضييييي قتلك.. "
اقعدت بزربةو َراحت تلبس قشها.. من الخوف لبست قشها مقلب....
هبطو مع بعض وراحو تغذاو... ولا نقولو هي لي تغذات بسك هو اصلا مياكلش لوقت هدا..
كي خلصو راحت تشري لماكياج و ولغوب كانو معولين على وحدة برك ولاو في عشرين.. وهو ساكت ومتحمل يشلك ويسكت... لحاجة لي مصبرتو انو يشوف في ضحكتها َو فرحتها بحوايح سامبل كيما هادو... تخليه يحس روحو انو انسان مليح....
بطلوع الروح بش خلصو الشوبينغ تع مدام فتون... ورجعو للدار بحكم العرس تع درصاف غير غدوة....
عداو يومين عادي... حاجة ما جديدة... كل واحد عايش حياتو... كأنو علاء وفتون وصلو لدار العايلة بحكم غدوة العرس... وإصرار امو خلاه يجي قبل بنهار....
"..... اهلا ولدي... مرحبا بيكم نورتونا..."
شبعوه بوس وتحضان تقول عام مشافهش.. وهو راح يتخنق... ودخلت موراه بعد... سكاناوها مليح باينة... عروسة جديدة.... دخلوهم وهو خلاها معاهم وخرج بعد ما وصاها وش تقول.....
حبيبة طلعت فتون وهبطتها وهي التوتر كلاها.. خايفة منهم شوية... الأجواء هادي غريبة عليها...
"... قداه عندك من شهر...؟ ؟"
".. اه اننن انا عندي.8 شهر..."
".. طفلة ولا طفل؟؟"
".. طفلة.."
"...بالبراكة عليكم... اه تفكرت اسمك فتون.. ؟"
".. وي فتون خالتي..."
بقات تسقسي فيها وتعاين فالأجوبة تعها... وزاد لحقو ليليا و ساديل و دارين.. يستجوبو فيها ويحاولو يعرفو طبيعة زواجها بعلاء...
"... عايلتك علابلها بالزواج هدا... تباني صغيرة بش تجيبي طفل في عمر هكدا... ؟؟"
بلعت ريقها بخوف وتبسمت بتوتر واضح..
"... لا.... علابلهم وهما حضرو العقد والفاتحة..وكلشي جاز بالزربة محسيناش..."
".... هداك النهار كي جيتي اول مرة بحالتك هكداك.... وش صرا ؟؟ شكون لي دارلك هكداك.. "
معرفتش وش تجاوب... هداك النهار اول مرة تتلاقا بيه... وزيد رايحين يفيقو... بحملها قبل..
"... في الحقيق....."
"...خلصتو الاستجواب هدا... خليوها ترتاح شوية.... ماكمش تشوفو حالتها كيفاه... "
"... لا ولدي... رانا نتعرفو على مرتك برك.. مبروك عليك ولدي.... تتربا في عزكم نشاله.. يويويويوويويوي..."
سبقت خاوتك كامل ورح تجيب ثاني حفيد لينا...
تبسم وغمزلها بعينو بش تنوض...
"... اني سجيت ليكم البيت تعك.. واصلا زاكي يرقد فالصالون... روحو حتى يسجا العشا.. "
هزلها براسو وهز الكابات وداهم للبيت...
".. وش قاتلك ؟؟؟ "
"...عادي سقساتني على كيفاه تزوجنا وحملي ووالديا.... وجاوبت كيما قلتلي..."
"... مليح مدابيك دايما تتهربي من أسئلتهم.. وحاولي تتفادايهم... مناش رح نبقاو بزاف اصلا... وعندك تهدري مع درصاف... بدلي الطريق كي تشوفيها..."
"..درصاف لي رايحة تتزوج..؟؟ ".
"... وي هي... حذرتك من درك... "
"...اوكي متخافش... "
أنت تقرأ
كتمان [ مكتملة ]
Short Storyأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)