كتمان [ مكتملة ]

الحلقة 39

#كتمان

تعجب منو احمد وناض ليه اما حبسو بيدو... خرج مهدود.... راح لاقرب بيت قدامو وطلق روحو فوق الفراش ورقد.... هارب من واقعو والامو لي كل يوم تزيد.. .
ولات مرتو... مش مأمنة روحها.... وماهيش فاهمة مشاعرها.... طلعت بش تلم حوايجها... لهنا ويكفي.... ماهومش متقبلينها ومش رح يتقبلوها.....دخلت للبيت لقاتو راقد على جنبو ويدو مبسوطة قدامو..... اول مرة تشوفو راقد... حسبتو خفاش ميرقدش....تبسمت وراحت ليه.... حطت خشمها بشوية على رقبتو... فيه ريحة تعجبها.... شمتها جاتها كي لادروغ.... ضحكت لوكان يشوفها يقتلها نورمال..... بقات تستكشف في الكور تاعو... كيفاه مداير... وجهو ملامحو حواجبو....

جاها في شكل مش مألوف عندها.... حتى الياس زين عليه.... بصح جذاب بزاف....
لقاتو مزال راقد.... حكمت يدو بين يديها وتتلمس فيها بشوية.... صوابعو بويض وعندو عروق بزاف خارجين....

كملت عملية التنقيب تاعها.... نحاتلو لاكبيش من راسو.... وغطاتو خليه يريح باين غلبان...

خرجت من البيت وهبطت لتحتا....

".....وين راكي نتيا... ؟؟ ارواحي هنايا..."
راحت عند مها تزرب في خطواتها...
".... وينو هداك؟؟"
".... او لفوق لقيتو راقد.... كي نوض نروحو.."
"...اسمعيني مليح.... باباك مش حاب يشوف خليقتك.... طيح بقيمتو قدام هداك غير بش يزوجك ليه.... من اليوم يا فتون أنساي هادي العايلة.... رايحة تخرجي من حياتنا..."

"..... ماما سامحيني علابالي غلطت بزاف... أما وآلله مظلومة.... مش حاسين بيا.... عذبوني فهداك السبيطار.... كانو يضربوني بزاف... "

حضنتها حفصة.... بالرغم من كلشي اما تقعد بنتها... هي لي رباتها ورضعتها.....خايفة عليها.. وندمت على استهتارها..... مي متقدر دير والو... تدعليها ربي يهديها ويسعدها.... يمكن قدرها مش رح يكون كيما مها..... بلاك ربي يغير قدرها..... هادا وش تتمنى هي.....

مسحت دموعها وتبسمت ليها.... سبحان الله.. متشبهش خلاص لمها.... تشبهلها هي.... كامل يقولو انو هي مها مش خالتها....

سمعت خطوات فالدروج دورت لقاتو هو... عينيه منفوخين من الرقاد.... باين مورالو مقلب اليوم....

طلعت لمت حوايجها ولحقتو.... مجا حتى واحد ودعها.... حتى باباها.... تنهدت بألم وتبعتو....علابلها رايحة لجحيم جديد.... مع جلاد أقسى من لي تلاقتهم.....

ركبو فالطموبيل.... وهو مشافش معاها ولا نطق حرف واحد... وهي جاعت ورايحة تطرطق... و الدوخة.....

كل ما تقولو حبس يسمطها ويكمل طريقو... حتى وصلو للدار كانت العشية.... راحت طاحت راقدة على البونك.... توحشتو بزاف هاد الصالون....

وهو راح لبيتو يخمم كيفاه رح يدير... كان حب ينتقم من اسما.... أما درك هي ميتة.... مش عارف وش يدير وزيد فتون راهي اونسانت.... يعني رح يجي طفل صغير....

خايف يدير غلطة عمرو..... القدر حطو مع الأم وبنتها وحفيدها.... خايف يختصبو ولا شهوتو والماضي يخليه يدير هاد الذنب الكبير.....

حط روحو في متاهة اكبر من لي قبلها... كيفاه زوجها وهو مش عبد صالح للزواج.... هو مش راجل مش متقبل روحو..... كيفاه رح يتقبلها هي...