كتمان [ مكتملة ]

الحلقة 3

"أشرف قالي انا مش راجل صح؟ راهم يضحكو علي"
"... وي نتا مش راجل ههه وجامي رح تولي، شوف خوتك كيفاه وانت كيفاه... حتا خوك الصغير ارجل منك..."
قاعد نحكي مع روحي كالعادة... مقاستنيش هدرتهم... والفت انا جامي راح نولي كيفهم.. أنا المهبول والمعقد تع الحومة هههه جاتني فكرة جديدة للرسمة الجديدة.... بصح لازم دم جديد ههه، تاعي ولا قديم لازملي حاجة جديدة..

... دخل معتز وبلال للبيت... هما لي يرقدو معايا، عدات الليلة هديك عادية... ونفس الروتين قاعد يتعاود.... مكانش حاجة جديدة في حياتي.... ديت الباك وطلعت للجامعة.... ومزلت نفس العبد من الدار للجامعة ومن الجامعة للدار..... يما بدأت توسوسلي... بسك مانيش كيما خوتي الاخرين
خويا الأول معتز كان تع نسا بزاف وخلاط.. وكان تع مشاكل مي درك راه خاطب وراح يزوج بوحدة من لي كان معاهم، وهو خدام مع بابا وكان ديما الواعر والراجل تع الدار مورا سي موسى........ 29سنة

اما خويا ايهم فهو الثاني و القاري تع العايلة تقدرو تقولو المثالي كنت نكرهو..... بزاف من صغري وزيد راهو طبيب دركا وهو معشوق بنات الخال والعم............. 27 سنة

بعدو خويا بلال الحنين و الضحايكي تع العايلة تحسو هو الفرحة تعنا.. وانا منتفاهمش معاه.... 22سنة....
ختي درصاف.... 20 سنة.... حياتها كامل تخمم غير في روحها وانانية بزاف... وبعد ما داتش الباك قعدت فالدار ونستنا تتزوج.....
ونجي انا الغلطة تع يما... كيما يسموني يما طول عمرها تحب البنات وكانت حابة اخت لدرصاف اما جابتني انا..
ختي دارين المحبوبة تع العايلة والعاقلة....... 16 سنة تقرأ فالليسي لي نقرا فيه ونحسها تحب تتقرب مني ودايما نصدها لاني منحملهاش ونكرها.....في الاخير انا نكره الناس كامل
وعنقود العيلة الاخير زكريا 13سنة المدلل تاعهم وهو الاعز فينا لبابا.....
علاقتي بخاوتي كيما علاقاتي الاخرين... باردة و خالية من اي حاجة.... بطبيعتي منهدرش ومن ورا ما صرالي و حالتي درك... علابالي مش رح يبقاو يشوفو فيا.....
.... من ورا ما طلعت للجامعة... خويا زوج ودار دار ليه ولمرتو فوقنا.... والكوشمار تاعي بدا كي....عرفت بنو مرتو حاملة.......
🖤🖤🖤
لست مذنبا.... لست الخطيئة ولست النكرة...
شيطاني تغلب وضميري انسحب... مشاعري انطفت... لا تلوموني فالحب عني انفصل و اقسم ان لا يزورني....
أخبروهم بان الكتمان واجب والبوح محرم... ♣️☠️💀