كتمان [ مكتملة ]

الحلقة 89

#كتمان

"... رايح نصلح بعض العلاقات..."
"... توحشتها ؟؟؟....."
"... اكثر ما تتصور... ليوم نروح نشوفها بعد فراق ثلث سنين.. نتمنا تكون سامحتني..."

"... اكيد راح تسامحك... سيرتو كي تعرف بنو كنت تتعالج من السرطان... ورايحة ترجعلك.."

"... نشاله.."

ناض من الكرسي وصافح الطبيب تاعو متبسم.. قفل الفيستا تاعو وخرج... أما هاد المرة كعلاء خلاف...

دخل اول مرة بملامح باهتة... عينين مظلمين... روح فارغة... تريكو عريض احمر وراس مجروح ومحفف...

وخرج منو بهيبة... خلاتو يبان اكبر من عمرو بزاف....جسم كامل مكمل... شعر هابط على عينو... نمش خفيف.... وجه صافي بحمرة الشتا... و عينين حالمتين... فيهم امل وإيمان ويقين....كاينين اثار الماضي عليه اما رونق الحياة كان ظاهر اكثر ...

ركب فطموبيليتو متوتر وفرحان متوجه لجامعة فتون....
ڨارا الطموبيل على الطريق فالجانب... ومشا داخل للجامعة يحوس عليها بعينيه. عارف وين تقعد ووين تروح وواش دير ...عارف عليها كل تفصيلة صغيرة .. ثلث سنين يتبع في اخبارها بالدرقة .... حتى لقاها قاعدة فوق كرسي وحاطة بنت صغيرة عندها ثلث سنين وتبكي وهي تسكت فيها..
ضحك بالصوت عليها... لدرك مزالت متعرفش تسكت بنتها....

طلعت راسها مع الخطوات حتى تلاقات عينيها معاه..... حلت فمها وتشرعو عينيها من الدهشة...ربع سنين مشافتوش ثلث سنين مش عارفة اذا هي متزوجة ولا مطلقة ولا ارملة
"... عععع علاء... هذذذذ هذا انت..."
"... هههه لا خيالو.. هاتي هنايا الاء نتي لا علاقة بلولاد.... كل مرة لازم ندخل لداركم بلا ما تفيقي بش نسكتها وهي تبكي من لي كانت صغيرة ... نتي ام نتي.."

جبدها من يدها بشوية و الاء سكتت من البكا ... كأنو حست بيه وحست بنو هادا الشخص هو الملاك تعها والصدر الدافي....حضنها بشوية وهو يربت عليها وهي وجهها احمار بالبكاء ....

"... علاه جيت هنايا...؟؟؟ كلشي خلاص بيناتنا وهاتلي بنتي هنايا... "

قعد قدامها في الكرسي وشاف معاها بحب كبير كان مدفون...وحط الاء قدامو وهي حطت راسها على كتفه ...

".... نحبك... اول مرة شفتك حبيتك وكنت نكابر على روحي... نكرت كلشي لانو كنت خايف يجي نهار ويتكسر قلبي ونزيد نتعذب فوق عذابي القديم... أنا درك تبدلت مانيش علاء لي تعرفيه.... أنا علاء خلاف علاء يحبك ومتوحشك...."

".... مورا ثلث سنين ؟؟ بش تفكرتني... اه قول هئ هئ مورا ثلث سنين ... وش تبدل درك.. روح كمل حياتك بلا بيا كيما كنت عايشها... هداك النهار قتلك نعطيك فرصة اما نتا عطيتني بظهرك.. خاطرت بسلامة بنتي مع واحد مريض كيفك على جالنا.... هئ هئ... إنساني وروح... خلاص كلشي..."

مسح على خدها وتبسم....
"... كنت مريض بالكونسار.... "
شهقت مصدومة فيه... ودموع تجمدو

"... كيف اااااه؟؟؟؟؟ كونسار.... "

هزلها براسو موافق وعدل الاء في يدو

"... نهار هداك كي كنتي في البلوك... عرفت من طبيب لتما بنو عندي مرض خطير خلاني نبزق الدم ونتقياه.... ومبعد موراها درت تحاليل خرجولي بنو عندي كونسار فالكبدة.... خفت نموت ونخليك.... خفت بعد ما لقيت السعادة لي طول عمري نحوس عليها تروح بين يديا... كان سرطان من الدرجة الأولى حمد الله على كل شيء... وقدرت نتعالج لمدة عام منو... وكملت العلاج النفسي بش نتخلص من عقدتي.... وزيد من مورا هاديك الصدمة وليت داخل فمرحلة انتحار.... أما كل ما نحاول نقتل روحي... تجيني نتيا والاء في راسي... قاومت على جالكم وعلى جال عايلتي.... "

ملقات متقول بقات غير تشوف ...تقدر تسامحو وترجع ليه عادي ...مش عارفة ...طول عمرها ضعيفة ....و باش قدرت تنوض من جديد وتواجه المصاعب هادو مش حاجة ساهلة ...ترجع لقرايتها ولحياتها وزيد مع بنتها لي تربات في جو متوتر في دار عايلتها ...حوايج بزاف قصحوها ...في الاخير علاء الوحيد لي كان واقف معاها بالرغم من كلشي دارو ...غرابتو وجنونه ...وحوايج بواف ...السواد لي كان معيشها فيه وعايش فيه ....اما وجهه اليوم كانت فيه لمعة جديدة عمرها عرفتها من قبل ....لمعة ولادة من حطام ...مش عارفة اذا رايحة توالف....اما في الاخير مزالت مرته ومزال بيناتهم عقد ...وممكن حياتها راح تتحسن ومستحيل راح تلقى كيف علاء مهما دارت

شافها تبكي وتلاحت عليه حضنته .. باينة كانت متوحشتو و مكابرة بزاف ....راح تمدلو فرصة لانه وحدو في حياتها لي يستاهل الفرص ...ممكن يجي وقت وين يقدرو يداويو جروح الماضي ويبنيو اسرة بلا مشاكل ....تبسم في الحضن هذاك وطلع راسو في السماء .....

"... الحمدالله يا ربي... "

هادو ثلث سنين تبدلو حوايج بزاف.... بعد هاديك الليلة السوداء كلشي تغير..... نبداو مع خديجة لي تقدرو تقولو ولات امراة مستقلة فالمدينة تاعها.... . بفضل عصام ودعمو ليها وحبو الكبير... خلاها تحل حوانت خلاف للكوسمتيك تاعها وسماتو باسم ولدها تاج..... صح منساتش بلال وحبو مزال محفور لداخل... وكل ما تجي فرصة تروح تزورو اما..... قلبها ولا يميل لعصام... هداك الراجل لي كانلها نعم الزوج والحبيب والأب والصديق.... ليها و لولدها... وقف معاها بعد موت مها وخفف ليها.. كان السند ليها... وهدا خلاها بلا ما تحس تحترمو.....وخلات بلال كذكرى حب ليها... يقولو الحب ميتنساش ...انا نقول الحب ميتنساش اما يتعوض ....والعوض الاجمل باذن الله ....