كتمان [ مكتملة ]
جدول المحتويات

    أنت تقرأ

    كتمان [ مكتملة ]

    Short Story

    أول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...

    #اخلاف #اكشن #جزائرية #حب #عادات #عذاب #غرابة #كره #كرونيك #مرض #معامرة #نفسي #هوس

    الحلقة 49

    37 4 0 
                                        
    
                                              
    #كتمان 

    ".... لوكان نقلك رايحة تكرهيني...؟؟؟"
    استغربت من الإجابة تاعو..، كيفاه تكرهو علاه وش دار....
    لاحظ ملامحها... وعاود سؤال لكن هاد المرة بلهجة ألم وجرح....
    ".... رايحة تسامحيني لوكان اذيت ولدك مرة خلاف.... ؟؟؟"
    بحركة لا ارادية خبات كرشها وحاوطتها... نبرتو متبشرش بالخير.... وش يقصد... دخلها فمتاهة صعيبة... كل ما تقول الحالة تحسنت... كلشي يزيد يتعقد اكتر و اكتر....
    ؛
    ".... توقعت صمتك... حاولي متفتشيش بزاف فالماضي.... رايحة تخربي حياتك... ورايحة تخلي روحك كيما هما.... كوني مختلفة ومميزة عليهم.... يمكن انتي لتعاونيني بش ننسى....."
    خلاها واقفة وراح... لقاتو مشا نحا تريكوه وقعد بسروال وبدأ يرسم.....شافت معاه وراحت... علاء لغز وراح يقعد دايما هكدا... مش راح يتبدل.... وولدها رح يكون بلا اب... لانو علاء مش راح يكون اب طول عمرو.... 
    راحت للكوزينة وافكار تدي فيها وتجيب... وش هو زعما هاد السر لي مخبيه..... 
    🖤🖤🖤🖤🖤🖤
    اليوم فليل يمشي البابور تعهم.... كي يتفكر والديه  وخاوته... يحب يرجع اما كره.. كره حياتو.. حاب يخدم ويدير دار كيما حاب... الحياة لي حاب خديجة تعيشها.... محبش يهدرلها وش رح يدير لانو علابالو تلحقو وتحاول تمنعو وقادر يرضخلها.... وميروحش 
    كانو ياكلو... رح يفتقد اللمة هادي... رح يتوحشها... صح مزالو مزوجوش.... ورح يكسر قلبها... لكن علابالو رايحة تسامحو وتسناه مش راح يطول عليها... يلم الدراهم ويجي يديها يحقو أحلامهم ويحلها كوسمتيك ليها وحدها تخدم فيه... 
    ليوم عرضتها مو للعشا.... الضحك والتمسخير طاغي على الجو.... كل مرة يتبسم معاها تشنف عليه... ويضحك عليها مزالت كيما هي... كرامتها اولى.. 
    لمت معاهم الطابلة.. وساعه على ساعه طل عليه بدرڨة.... ساكنلها فالدم... سمانة وهي مبلوكيتو... 
    كي جات مروحة حبسها.... 
    ".... خداوج... هههه خداوج الصوصيالة.. قيمينا" 
    "... شوف بلال متحكيش معايا... فهمت راني منحكيش معاك... منسيتلكش العياط تاعك عليا.... هادي هي نحبك..." 
    حكمها وحضنها.... هبطو دمعات خفاف من عينيه.. وهي بادلتو حاسة بيه مش مليح.. 
    ".... بلال علاه رك تبكي... ؟؟ شوف راني مسامحتك والله متبكيش حبيبي متهونش عليا... احكيلي لي بيك... مش حاب تتزوج حاب نبطلو.... ؟؟؟ "
    ضحك بين دموعو وزاد زيرها عندو كتر... ميقدرش يعيش بلا بيها... 
    ".... ههه نتيا مهبولة صح.... راح نتوحشك خدوجتي....." 
    ".... راك تخوف فيا علابلك... رايح تخليني وين رايح اديني معاك.... منسمحلكش تنفصل عليا.. يا تزوج بيا يا تزوج بيا... والله نسحرك ونخليك تخرج عريان من الدار هاني قتلك.." 
    ضحك بالصوت.. الطفلة هادي مش نورمال... هو في واد وهي في واد خلاف
    "... يهديك ربي غير نتيا لي لعندي.. صوصيالتي.... روحي تروحي وعندك تنسايني"
    توادعو وهي قلبها مش مهنيها.... حاسة حاجة مش مليحة راح تصرا.... 
    هي رقدت قدام مها وتمسحلها على شعرها... وهو كان قدام البحر.... 
    ".... خديجة راح نتوحشك وجامي رح ننساك.... 🖤❤️❤️❤️"
    كتمان [ مكتملة ]حيث تعيش القصص. اكتشف الآن