كتمان [ مكتملة ]

الحلقة 65

#كتمان

حبيت نحبس هنايا وندير بوز... حكاية اغتصاب مرة لطفل حاجة كاينة للأسف الشديد.. ويعرف تاني مصطلح البيدوفيليا.. معلاباليش اسكو تعرفوه ولانو مي هو باختصار...
اشتهاء الأطفال ونكران الإنجذاب الفئة المبالغة.... ببساطة... يولي العبد هداك يحب يمارس مع الصغار وكي نقول صغار يقدرو حتى يكونو دي بيبي نورمال... النشوة الجنسية هاديك متجيهش الا اذا مارس مع طفل صغير... نتمنى تكونو فهمتو وش قاصدة وادا مفهمتوش اكتبولي لتحت
♣️♣️♣️♣️♣️♣️♣️

أسامة تشوكا... علاء عارف مرضو وعارف حالتو... حاس روحو هو المريض وعلاء لي قاعد يوصف فالحالة... ما يعني انو العلاج راح يكون أسهل من هاد الجيهة...

ترشف من قهوتو بشوية ومزال يراقب فعلاء وتصرفاتو الغريبة... وبالنسبة ليه البيدوفيليا حاجة صعيبة شوية...
".. تسما نفهم بنو انت اكتسبت البيدوفيليا من تجربتك معاها...وتقدر تكون مش بيدوفيليا كيما راك حاسب.... قادر جيست ردة فعل للي صرا معاك.... حاب نسقسيك وجاوب بصراحة..
مارست علاقة من قبل مع شخص بالغ... حسيت بانجذاب لإمرأة وشهوة اتجاها...."

حشمو السؤال هادا نوعا ما جاه بيزار... والطبيب عرف هادا تاني خلاه ياخد راحتو ويخمم
"....اااالا جامي... "
عرفو يكذب ولا يحاول يخبي حاجة... ضحك بتوتر....
".... ههه بيناتنا سي علاء... رانا رجال في بعضانا... جامي انجذبت لطفلة من قبل ولا قربت منها.... "

علاء تنرفز شوية... ونطق بصوت عالي شوية..
".... قتلك جامي... أنا نكره الناس كامل... منقدرش نكون في علاقة مع مرة.. اعععع"

".... نفهم بنو عندك تقزز من العلاقات.... ؟؟ "
"... وي "
".... الجنسية ولا الروحية..؟؟؟ "
"... معلاباليش "
"... شكون فتون؟؟ "
أسامة شاف بريق خاص فعينيه كي نطق اسمها...
"... حتى وحدة "
".... نو مدام وجهك احمار وعينيك وساعو يعني انو هاد البنت شخصية مميزة بالنسبه ليك... شابة ؟؟؟ طويلة ولا قصيرة؟؟؟ "

حمارو عينيه وشبح يدو.... مرضاش يقول عليها هكداك... ماهيش سلعة
".... علاه تحوس عليها نتا؟؟؟ تعرفها.. ولا كنت واحد من صحابها لقدم... هاديك المرة دركا مرتي فهمت...... جامي تحاول تهدر عليها ولا تسقسيني عليها.. "

صفق الطبيب بيديه وابتسامتو وساعت...
"... كأول حصة ليك معايا... قدرت نفسر حالتك مبدئيا.. العلاج هو الحب والأمان... يمكن كي تقرب منها وتتعامل معاها على أنها مرتك رايح تقدر تتناسى عقدتك وقرفك من العلاقات... "

ناض علاء من الكرسي و وجهو باين عليه التعب... كانت حصة صعيبة عليه... لانو كانت بداية لنهاية الكتمان.... ركب طول للخدمة وتفكيرو غايب عايش في عالم آخر.... حكاية البسيكولوغ جاتو حاجة لازمة مدام وصل لدرجة الانتحار.... لازم حل وهو كان الحل الوحيد ليه

بالنسبة لفتون... ناضت لقاتو مكانش كي العادة اصلا والفت بيه وبعاداتو الغربية.... صلات وراحت تفطر.. وحبت تهدرلو على قرايتها حابة ترجع ليها.... كرهت الروتين تع الدار ومدابيها تكسرو.... لكن ردة فعلو هي لمخوفتها....

عداو ثلث شهور... على شخصياتنا... نقدرو نقولو بنو... تطورت فيهم حوايج بزاف..

خديجة هاديك البنت لي كان أقصى أحلامها بلال... لخصت حياتها كامل فيه... معلاباليش ادا هادا خطأ اما هو واقع... حبتو وعانات من حبو... ليوم مبقاتش نفس الطفلة...

ليوم خطبتها من عصام... كيفاه وعلاه؟؟؟
ساعات الحياة تخلينا في مواقف نتجبزو نحطو فيهم... نرضاو بالقدر....
بعد موت بلال.... ماتت معاه... كل يوم في قبرو تزورو...مقدرتش تنسا.... وعصام لي كان طرف ثالت في هادي العلاقة ولا هو الرئيسي..
مستلمش وكل مرة كان يروح يحاولها بش تقبل بيه...

رفضت في كل مرة... لبست الأسود وحلفت ما تنحيه طول حياتها.... بالنسبة ليها هي أرملة درك... لانو زوجتو قلبها قبل جسدها...

لكن الأب تاعها لازم يخرب عليها خلوتها وزاد ضغط عصام بش يخيله يجبرها....
خيروها بين تتزوج عصام ولا تخرج من الدار هي ومها.... بين قرارين كل واحد أصعب من التاني... الجرح مبراش وزادولو جرح جديد..

عيات تقاوم عيات تفرض وتحاوزو وتسبو اما النافع ربي... كرامتو حطها تحت رجليها... لمهم حبو لي يغلب.... وكان هو الرابح في حب الكبرياء....

خديجة ضحية مجتمع... اب قاسي ومهمل.. إم مذنبة في اختيار زوج وأب لبنتها.... عاشق اناني.... ومعشوق تخلى عليها في أول عتبة..

نحات خاتمو ولبست خاتم عصام... لكن هي تشوف فيه بلال وتعاملو على اساس انو هو بلال...