كتمان [ مكتملة ]
جدول المحتويات

    أنت تقرأ

    كتمان [ مكتملة ]

    Short Story

    أول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...

    #اخلاف #اكشن #جزائرية #حب #عادات #عذاب #غرابة #كره #كرونيك #مرض #معامرة #نفسي #هوس

    الحلقة 26

    36 3 0 
                                        
    
                                              
    #كتمان 

    دخلو في زوج للدار وكل واحد في بالو حاجة... هي تخمم في هدرة الطبيبة وهو يخمم في مرضو وحياتو ومصيرو.....
    "..... حابة نقتلو... حابة نحيه مانيش حابتو يجي..."
    "..... ديري وش تحبي... مدابيا تنحيه.... ولد حرام ورح يتعذب برك...."
    هزتلو براسها وحاسة بكرشها تتعصر من الجوع....
    "..... كاينة ماكلة في الكوزينة......."
    خسر عليها زوج كلمات وراح وخلاها وهي راحت تجري بزربة..... كلات حتى خرجت الماكلة  فمها.....حست بروحها رجعت ليها مست كرشها..... يعني درك عندها طفل للداخل..... بصح يبقى طفل صغير كيفاه رح تقتلو...... أما هو طفل حرام ورح يتعذب.... 
    افكار تدي فيها وتجيب..   والقرار ماهوش بيدها.... 
    ♣️♣️♣️♣️
    كانو مجتمعين على الطابلة ياكلو ويهدرو.... الا دورصاف..... نافيينها وواحد ما يهدر معاها بعد عملتها.... وهي ماهيش مهتمة قاعدة فالبيت ومدايرة تلفون بدرقة واحد معلابالو بيه تهدر فيه مع واحد تعرفت عليه اليوم بلاك يكون مكتوبها وتتزوج وتتهنا من الهم لي عايشة فيه درك 
    .... في الدار لي مقابلتهم كانت قاعدة تفطر هي ومها وتوكل فيها وهدرة عصام في بالها... بلال مش لاتي بيها ولا مقيمها .... وهي محتاجة واحد يحس بيها ويعاونها.... غلبت وحدها والرجال يحبو يستغلو الفرص.... يعني تتخلا على حبها وتزوج بعصام...... 
    هبطو دمعات خفاف ومها تشوف ماهي فاهمة شي.... زهايمر في آخر مراحلو.... ماهيش عارفة مصيرها مورا مها رايحة تموت... متقدرش تعيش بلا بيها..... وزيد بلال من جيهة وعصام...... 
    خرجت وخلات مها عند الجارة..... كانت لابسة عباية كحلة ولامة شعرها ومع هي سمينة شوية كلشي مشبوح.... مع مكياج شارلومانتي..   
    تدور في عينيها علا الحومة كشما تلقا حسو اما مكانش تقلقت عليه وتغشت علاه مجاش  كيما موالف.... 
    "... اخديجة تحوسي عليا؟؟ هاني سمحيلي طولت عليك اليوم...." 
    ".... لالا مكنتش نحوس عليك..... وين كنت حسك مش باين..... كاش بلانات ولا نو...."
    ".... والله والو راني مع السيفي واحد ما يقبل خدامين..... البلاد هادي غير شوماج...." 
    "..... مممم مليح" 
    قعد يتفرج فيها وهي عينيها متنحاوش منو... هو الزين في خاوتو الكل وزيد مفورمي... 
    ".... مجاتكش العباية مزيرة عليك شوية..؟؟ "
    قلبها دق بزربة.... 
    "..... لا عادي اك تعرفني دايما بيها ماهيش جديدة "
    " هههه نتي لي سمينة ورح تتفلقي نقصي شوية من الحشو "
    خنزرت فيه ومشات سابقتو..... غايضتها روحها وهو كالعادة يراضيها بزوج كلمات تحبهم.... خداوج وصوصيالتي.....
    كتمان [ مكتملة ]حيث تعيش القصص. اكتشف الآن