#كتمان
لدار تعبات بالغاشي... جاو يحضرو الحنة... ودرصاف وسطهم كي الجثة.. يحنيولها ويبكيو سيرتو مها وختها... وهي دمعة ما هبطتها مش حاسة... حابة تموت.... هادا هو الحل.. تولهت لفتون مرت علاء قاعدة وتصفق فرحانة تبسمتلها ودرصاف كشرت في وجها... هاو علاء لي خرج رابح... طول حياتو هو الرابح َلي يدي كلشي....
زوج بطفلة.. ورايحة يزاد عندو طفلة... عندو دار وطموبيل وزيد فرحان... الفرحة لي حياتو كامل وهي هاجرتو... لقاها واخيرا...
الحقد عمالها قلبها من جديد... جاتها فراسها البلانة هاديك... ماعندها وش تخسر درك.. ورقتها الرابحة مزالت في يدها وتشوف اذا الفرحة تاعهم رايحة دوم من ورا الفضيحة هاديك.... كامل راح يعرفو حقيقة الماضي... ونشوفو يا لالة فتون اذا رايحة تبقاي مع واحد كيما علاء... ههههه
خديجة كملت المكياج ولبست قفطان طويل جاها مع لطاي تعها معمرة نيشان... طلقت شعرها طويل.... ومع شوية لمسات لبست عباية سامبل تع عرايس وقعدت هي ومها تسنا فيه بش يوصلها لعرس درصاف اليوم بحكم عرضوها....
شوية هكدا لقاتو حل الباب ودخل... دور شاف فيها بشوفة غريبة خلاتها تحشم منو... اول مرة من بعد العرس يشوفها حطة كيما ليوم...
"... جيتي تهبلي..."
"... مممم مرسي...نقدرو نروحو ؟"
".... اصبري دقيقة درك نجي.."
راح حل الكوفر في بيتهم وجاب سلسلة تع ديامون بيضا... حتى لقاتو لبسهالها وتبسم..
"... هيا نروحو درك..."
ضحك عليها وهبطو في زوج وركبو ومها موراها....
"... نتا متهبطش ؟؟ مام نتا معروض "
"... نو عندي شغل مش مكملو روحي نتيا ونوصيك تخلصي منا عيطيلي نوصلك ومتخرجيش برا لرجال كاينين... "
هزتلو براسها موافقة وهبطت هي ومها..
رحبو بيهم والعرس قام فالدار... درك يجيبو للعروسة من الحفافة ويخرجوها من دار بابها للاصال طول...
"... علاء أرواح اقفلي لاغوب... "
"... قفلهالها ملورا وهي رعشة حكمتها... وهو عينيه متنحاتش من عليها... اول مرة تتحرك غزيرتو اتجاه عبد.. حاسس بالسخانة طالعة معاه... غمض عينيه و عض على شاربو بقوة خلا الدم يسيل منو.... مسحو بلسانو وراح طول يدوش... مفهمش وش بيه...
"... منيتك ؟؟ رح تلبس هكدا... وهداك الكوستيم لي شريتهولك؟؟؟؟"
"... نتي وش قلقك فيا... يخي خلصتي اسنايني.... حتى نلبس ونجي..."
"...شوف علاء والله ماني خارجة.. غير حتى تلبس الكوستيم هداك..."
"....نو منلبسش..."
"... هيا علاء على جالي تعيش والله درك تجي تهبل... "
دخل لبسو ونحالو الكرافات وخلا الشوميزي محلولة...
كي شافتو عينيها ولاو قلوب.. جا يهبل بالكلاص...
"... هههه ياه جيت تهبل... كنت غام روحك فهادوك التريكوات... "
"... تهنيتي درك هاني لبست.. "
قدمت ليه مخدرة... وهو يشوف معاها باستغراب وش بيها هادي تاني..
طلعت على رجلو... هو طويل بزاف عليها و باستو بوسة طويلة من شواربو دا
وهو مسكين رايح يتغاشا... بعدت عليه وتمسح في شواربها... ضحكت بشوية على ملامحو
أنت تقرأ
كتمان [ مكتملة ]
القصة القصيرةأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)