كتمان [ مكتملة ]

الحلقة 55

#كتمان

قدم ليه و ابتسامتو توساع كتر وكتر... جبدو من تريكوه بسياسة.... بارد على الأخر... وهداك يدز فيه ويحاول يفك روحو....
"... غني معيا... واحد اتنين تلاتة..."
هو جا ينطق ويضربو ملتحت بركبتو.. الراجل صفار خضار حمار.... حس بمصارنو خرجو..
"... اوششش عندك تعيط ولا نسمع صوتك...
منحبش العياط انا... نفريوها ليه ليه... قداه حكمت كي اغتصبتها؟؟؟"

"... معلاباليش على واه تهدر.. اي اي بعد عليا رايح نموت... "
حكمو من رقبتو بزوج يديه وقاعد يخنق فيه..
".. لازم تموت.. قولييي قداه الوقت وانت تغتصب فيها.. "
"... سسسسسا ععع ععة "
"... مليح.. أنا نحكم ربع ساعة برك... رايح تنسا اسمك فيها ههه"
بدا الضرب فيه... مخلا ما دار... هداك التوا لات رجع كامل دمومات الراجل... لمهم يضرب ويفرغ الكبت لي فيه.... الغضب الاشمئزاز... كلشي خرجو...

كي خلص قدم لوذنو... وهمس بصوت خفيف بريء
"... عندك تخمم تشكي بيا.....لانو مانيش راح نخاف ورح نديرلك كتر وش درت درك...ولا نجرب مع بنتك ولا ولدك... ولا مرتك... أنا نموت على اللولاد....."
عض على شاربو وطرطق صوابعو... وغسل يديه من خماجو... وحل الباب وخرج كي شغل ما دار حتى حاجة

لقاها تسنا فيه وخايفة كشما دار... ،طمنها بعينيه ودخلت لعند الطبيبة....

كلشي عادي... ولدها لباس بيه ومكان حتى مشكل عندو... الحماس لي رايحة تشوفو بيه ولا دموع قهر... كي يسقسيها شكون هو باباه... وش رايحة تقول... تقولو انتا ناتج عن اغتصاب... مك كانت في سبيطار وتعداو عليها.
وكذبت على باباها....

".... مدام راكي مليحة؟؟؟"
هزتلها براسها... وكملت المعاينة... وخرجت كي الميتة من لتما
ركبت وهو يشوف فيها... باينة مش مليحة..
طرشقت بالبكا....
".... هئ هئ علابلك وش عندي... عندي طفلة صغيرة ههههه كنت مانيش حابة يكون عندي بنت بش متتعذبش كيما مها.... حبيت طفل...
ربي حاب يعذبني بيها.... حاب يقهرني بش نشوف فتون ثانية تتعذب...."

حط راسو عل الكرسي و غمض عينيه... ويسمع في كل حرف تقولو.... خلاها تفرغ قلبها.... مسحت وجها بلانجات بزربة وشافت الشارف هداك خارج مدمدم من السبيطار ومرتو تبكي ومعا ونينو ولادو بش يمشي... شرعت عينيها تشوف فيه... عرفتو هو لي دارها... دورت ليه وابتسامة كبيرة على وجها.. جات كي المختلين بمنظرها هداك..

".... نتا ضربتو ؟؟؟ ههه قولي نتا لي ضربتو.."

سمطها ونوض الطومبيل بشوية... ومشى وهي شابعة ضحك... والله بردلها قلبها فيه.. تنهدت وهي تشوف فيه راجلها البوقوس البارد القاوي ابو نظارة....

"... ههه حابة نعرف حاجة... نتا ضعيف كيلو لحم مفيكش كيفاه قدرت تضربو كيما هكداك...
وهو مشحم عليك... "

طلع حاجبو فيها... جابتلو الضحكة... هي عندها الحق.... معندوش جواب... هو اصلا معلابالوش كيفاش يضرب بلا ما يحس..

عرفتو مش راح يجاوب... تكات ورقدت وحاطة يديها على كرشها.... تحس ببنتها اميرتها..... ملاكها لي رح يكون نور حياتها وشمعتها.....

♣️♣️♣️♣️♣️♣️