#كتمان
الروتين قاعد هو هو على الابطال.... لاجديد فالحياة.... لدرك بلال مكانش خبر عليه وملقاوهش.... وكامل حاطين امل بنو حي...
عند فتون لي لدرك ماهيش مستوعبة وش صرا معاها.... عمرها توقعت انو علاء صرات معاه حاجة كيما هادي... عيات معاه يحكيلها اما والو.. ولا ميجيش لدار غير فليل... ويروح الصباح بكري....حاشم منها.... خايف تجرحو وتقول انو هو مش راجل....
اليوم رونديفو تعها عند الطبيبة... راهي ربع شهر درك ورايحة تشوف جنس الجنين تعها... تمنات لوكان يكون طفل... ماهيش حابة بنت تتعذب كيما هي.... حابة طفل يرفدها ويكونلها سند ليها....
خرجت لقاتو برا طلعت معاه.... وانطلق في الطريق...
".... علاء ؟؟ وشبيك متحكيش معايا..."
"....من وكتاه وانا نحكي معاك؟"
".... علابالي هاديك الحكا...."
".... نساي وش قتلك.... أنا غلطت كي قلتها وانتي أنساي الحكاية متخلينيش نرجع عبد خلاف مش رايحة تحبيه....."
سكتت حتى وصلو... وهو كي العادة راح لخدمتو...
وهي لتما شافت حاجة مكانتش متوقعتها تكون.. حاولت تتخبى في التوالات يزيد يشوفها.... طاحو دموعها يجريو... هو لي اغتصبها... تفكرت كلشي..... من قلبها لي حذرها....
جات خارجة وتطل حتى لقاتو قدامها.. وابتسامتو الصفرة الخبيثة على وجهو...
".... مكانش علابالي بنو نلقاك هنا يا فتونتي.. عاودنا تلاقينا بعد ما هربتي يا أميرة... ههه"
ركبلها الرعبة.. هو من الكوابيس لي كل يوم وهي تهرب منهم.... تفكرت ايامات هداك الجحيم تع السبيطار.... الضرب والعياط و التحرش... كلشي عدا عليها كي سكرة الموت...
".... ههه وراكي اونسانت تاني.... ولد شكون هادا؟؟ وينا دعارة جبتيه... ههه "
".... هئ هئ بعد عليا... والله نلمهم عليك هنايا.. مشي"
"..خوفتيني يا مهبولة... تفكرتي أيامنا مع بعضانا.... ضهرتي حلوة عسل...."
صدمها... بلاك لوكان يعرف بنو ولدو رايح يقتلها...
"... اه يا فتون لوكان قبلتي بيا... لوكان درتك مرتي التانية.... أما عادي شبعت منك هداك النهار... ونشاله نعاودوها.... هههه"
خلاها وراح وهي ترجف... شعرة وطاحت ... جبدت التليفون من جيبها... وعيطتلو ليه عندها غير نومروه...
".... الو وي"..
".... علاء هئ هئ أرواح تعيش... هو هنايا.. رايح يقتل ولدي .... هو لي غتصبني انا مانيششش عاهرة... هو لي دارها تفكرت كلشي
... رايحة نموت... مانيش قادرة نتنفس،.."
كوبا عليها وخرج بزربة من البيرو... خلاهم مصدومين اول مرة يشوفوه هكدا.. ركب يسوق ويديه يرجفو.... حاسس بالخلعة... وكلمة اغتصبني دور في راسو...
هبط يجري يحوس عليها... دخل عند الطبيبة قاتلو مزال مدخلتش.... راح للتوالات تع النسا.. شافها طايحة وعرقانة..
زرب عندها و حكمها من وجها يمسح فيه من العرق...
"... وش بيك شكون لي دارلك هكدا ؟؟ قولي انطقي حرف..."
تبسمت في عز تعبها... واخيرا شافت خوف السي علاء... اول مرة تحس بنو راهو عبد ويحس كيما الرجال الأخرين
حضنتو وهو جمد.. تشم في ريحتو وتمسح على راسو.... هو معجزتها... بالرغم من عيوبو لي طغات على شخصيتو اما يبقى هو البطل... هو شيطانها الملائكي.... الشرير والبطل تعها.
وخرها من عليه وحالتو ولات كيفها... ماهوش متعود على كمية المشاعر والحنان هادا كامل..
".. وينو هدا... نعتيهولي شكون ؟؟؟"
عاونها بش توقف بشوية وغسلت وجها..
"... خلينا نروحو منا... اخطينا منو..."
"... واششش جبتيني وتقوليلي هكدا.. نعتيهولي درك...."
اشرت عليه بصبعها... الطبيب الشارف هو ومرتو لي تبان رايحة تولد...
خلاها قعدت... وراح لحقو كي دخل للتولات..
شاف معاه وهو يغسل يديه... اشمأز منو وعافو... راجل فالربعين.... دار في طفلة قد بنتو هكداك...
درك يخرج الشيطان الخامد عندو فترة... نحا نواضرو وزاد لكابيش من راسو...
"... شكون انتا... حتى العبد يبول متخلوهش.."
"... عندي هدرة معاك..."
"... وي وش تحوس..؟؟"
"... تعرف هاديك لي شعرها احمر برا.."
ضحك بين سنانو الصفرين هادوك..
"... اه ههه متقوليش رايح تجرب نتا تاني.. يا خويا وآلله غير حلوة... جرب وعليا الضمانة."
خدا الجواب لي يسحقو... شاف مع السما يدعي في قلبو انو يتغفرلو الذنب هدا على الأقل... لانو الإنسان هدا يستاهل التعذيب..
أنت تقرأ
كتمان [ مكتملة ]
Короткий рассказأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)