#كتمان
"... علابلك هادوك الكرونيكات لي نضال نقرا فيهم كذابين هههه وينهم شوارب لعسل.. أنا ذقت شوارب عادي لا بنة لا عسل لا هم يحزنون.. ههههه"
قاس شواربو بيديه يتلمس فيهم ويشوف مع المراية...
"... علابلك وش درتي درك؟؟؟"
شافت معاه بحشمة..
"... بست راجلي البوڨوس... علاه حاسة انو هادي اول بوسة ليك.. "
حشم يقولها بنو مسكين هادي هي لولة ليه...سكت وخرج من البيت.. َوهي لوكان تقدر تسوطي لوكان سوطات لفوق... حكمت كرشها ضربها وجاع خفيف.. ضحكت حتى بنتها حست بواش صرا درك... كملت ماكياجها بزربة وخرجت تابعتو... استقبلوا درصاف لي تحلف التبسيمة ما جاتها... حاكمتها واحد القنطة تع لجنايز وكل ما تشوف واحد يزغرت ولا يضحك قلبها يأكلها....
كملت اللمة مع خديجة لي دخلت معاهم يسناو فالكورتاج للاصال...
َاخيرا جا السي العريس... ياسين.... نقدرو نقولو بنو الضحكة حتى هو هاجرتو... مش فرحان لهاد العرس ولا بارتباطو بوحدة كيما درصاف اما خايف على زواج ختو لي ولا فالهلاك.... علابالو شحال تحب راجلها وولادها.. ولوكان تدخل فتون فهادي العلاقة يقدر كلشي يتخرب....
خرجوها تحت جناح باباها والزغاريت مدايرة حالة... شافو مع بعضهم بكره غريزي واشمئزاز.... بالنسبة ليهم هدا كامل زواج بالغصب...
وصلو لاصال و الحوايج الروتنية في كل عرس
تصديرة وماكلة... كلشي بسيط ومرتب وعلى اصولو... مهما كان درصاف بنتهم وحاجة غالية عليهم. ....
كمل لعرس هدا بطلوع الروح... ودرصاف تسنا غير وكتاه تتفلڨ في وجوهم وتقولهم وش في قلبها هادي سنين.... رايحة تهدر بزاف حوايج عن كمية الحقد لي مخزنتها من عمر صغير... ظلم وقهرة وحڨرة.... كلشي حلفت تقولو قبل ما تروح للجحيم تعها التاني...
أشارت لختها تجي..
".... دارين ارواحي دقيقة...."
"... وي درصاف. وش تسحقي ؟ اصبري بقات سويعة برك ويخلص كلشي... اصلا الناس بداو يروحو..."
"....نعطيك حاجة وقولي للديجي هاديك تحطو نسمعوه...."
شافت معاها باستغراب..
"... وشنو هادا لي تحوسي تحطيه..؟؟"
"... شوفي درك يدخلو الرجالة.... قلها كي يدخلو بعد تحطو نسمعوه.... متخافيش فيه حوايج برك لازم يتهدرو ويتسمعو لكل واحد من العايلة.... "
".... اوكي.. هاتي الفلاش.. "
مدتهولها وتبسمت بمكر وخبث.... اخيرا كلشي رح يصرا كيما حبت.... مش هي لي ضحيو بيها... هي تتغذا بيهم قبل ما يتعشاو بيها.. ليوم رايحين يعرفو شكون هي درصاف....
في هاديك الدقيقة دخلو الرجال لاصال بش يخرجو العروسة لتما دارين مدت الفلاش هداك ويا ليتها ما مدتو....
تسمع تسجيل صوت درصاف من عند الديجي
كامل استغربوا وقعدو يسمعو وش قاعدة تقول...
".. أنا درصاف... لي ميعرفنيش انا هي هاديك لعروسة لي لابسة غوب سواغي هههه وقاعدة تتبسم معاكم.....ليوم بما انو خلاص انا خسرت فهادي اللعبة....رايحة نحكيلكم حكاية قصيرة رايحة تخليكم تراجعو الناس لي تعرفوهم وتحاولو متصدقوش وش تشوفو بعينيكم لانو المناظر خداعة ههههه
شافت مع علاء وتبسمت باستهزاء كانو عينيها لي قاعدين يرويو في واش قاعد تقول.... هو تجمد في بلاصتو كانو بدا يفهم وش راه يصرا هنايا....
"... ههه الضياف تعنا...دارين. ايهم ومعتز.. زاكي... بلال ربي يرحمو... يما... بابا.. عجوزتي الغالية وراجلي السكارجي....شكون لي مذكرتوش... ؟؟ امممم اه هيه عليلو خويا المهبول.....
قالكم مالا... ههه كاين طفلة عمرها ثمن سنين.. صغيرة واحلامها كبيرة... حبت تبعد على الفقر لي عايشتو... حبت تبعد على الذل والتنمر لي كان عليها... الضرب والسبان من عند الشيوخا لي كانو يحتقروها.... في رايكم علاه؟؟ ههه خاطركش الطفلة هاديك فقيرة ومعندهاش الدراهم بش تلبس كيما لبنات وتروح للطبيب كيما لبنات وتلبس نواظر كيما الناس....
حاولت تدير صحابات وتتأقلم بعد ما نقلو للمدينة... أما مقدرتش لانو فكل فرصة لازم يحطموها..."
تبسمت باستهزاء ومسحت الكحل لي ساح... لقاتهم مصدومين بداو يفهمو.... مها بدأت تبكي
"... ههه يما مزال وقت البكا... منا حتى نخلص ونتي تبكي..... وين وصلت... اه... هادي البنت الطلابة ولات فكل فرصة تجيها تسرق من لبنات لي يقراو معاها... تدي لمجة تاعهم ولا تاكل من الزبل والفضلة....ومع الوقت ولات تدي دراهم من والديها بلا ما يفيقو وتروح تشري وش تحب بيهم...
وهادي الطفلة عندها خوها اقل منها..... في رايكم شكون هو هدا؟؟؟
أنت تقرأ
كتمان [ مكتملة ]
Cerita Pendekأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)