#كتمان
🖤♣️الحلقة ٥♣️🖤
كل شي عدا على عينيا... علابالي هي خيال ومش حقيقة بصح مقدرتش نمحيها من عقلي....غمضت عينيا بزربة وعاودت فتحتهم ملقيتهاش... تنفست بزربة وخرجت من البيت نحوس عليها ادا كاينة ولا لا....
رجعت رقدت على السرير.... فطنت على صوت الباب يصوني.... اوف شكون هدا درك، محبيتش نوض خليه يصوني وحده.... مبعد تفكرت بلاك لي راح يخدملي العين... نضت بزربة لبست البيل ورحت نحل...لقيتها طفلة صغيرة هازة صحن في يدها...
كي شفتها شيطاني ناض وكلشي في بدا يرجف
"... عمي، ماما بعتتلك هاد الماكلة وقالك بابا مرحبا بيك عندنا..."
مقدرتش نحكم روحي راح نقتلها ولا ندير فيها حاجة ادا قعدت قدامي
".... عمي وشبيه وجهك صفر... اه عمي راك معايا.؟؟"
قفلت الباب بزربة وقعدت نرجف...لازملي حل منقدرش نقعد هكدا هادي منعت المرة الجاية.... المرة الجاية واحد خلاف قادر ميمنعش، دخلت ندوش ونخمم في حياتي لي جاية...... عندي خدمة ودار... لوكان يسقسوني وش نقلهم...... اوف علاء حبس التخمام....
جات في بالي نرسم رسمة جديدة......
🌃🌃
في بلاصة خلاف ولا نقولو في جحيم خلاف وين نسميوه حنا بسبيطار المهابل.... كي نقولو هاد الكلمة نضحكو عليها ومنحسوش بقساوة هاديك البلاصة.... الموت ليك ارحم من دخولها... العقل هو كل شي كي ضيع ضاع كلشي معاه حياتك وذكرياتك و أحلامك... حتى عايلتك رح تنساك مع الوقت وتتسمى مدفون عندهم......
في الغرفة رقم 124 الطابق التالت، قاعدةشابة عشرينية لتما ولا نقولو جثة اكتر دقة،.. رابطين رجليها بسلاسل ولبسة بيضا مكفنتها.... قاعدة تشوف فالفراغ و وجها مجروح ومخبش وعروق يديها منفوخين... و السكات مخيم على الغرفة... وريحة الدوا فايحة...... الدموع في عينيها فايضين... تبكي بحرقة ومبعد ولات تضحك كي المهبولة..... تفكرت كيفاه طيشوها بلا ما يحوسو عليها...
ولات تعيط باسم الياس... تمنات تشوفو قبل ما تموت هنايا... عقلها نصو طيروهولها ومزال الباقي حبو يطيروه..... علاه وش غلطتها هي.... غلطتها بنها مهبولة.... ولا بنها عاشقة ولهانة حبت لدرجة الهبال... حبت ونسات شكون هي ونسات وينا مجتمع عايشة.... مجتمع يخلي المرة تندم ألف مرة على الحب تندم بنها خلات قلبها ينبض نبضتين في الثانية...... تندم بنها تمنات تزوج بحبيبها....
المجتمع ههه لي ما يخلي حتا واحد يعيش.. والحب عندو محرم بينما ربي حللو.... المجتمع لي يدمر حياة بنات ورجال كل يوم وكل دقيقة.... يربط الحب بالخطيئة ويخلي بنات تدمر... وهي واحدة منهم مذنبة بتهمة حب لحد الجنون..... والجنون أصبح جزءا من اسمها واقترن بها انها " فتون" 🖤♣️
أنت تقرأ
كتمان [ مكتملة ]
Historia Cortaأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)