(اخلص و اصدق التعازي للاخت امال عبيدي في وفاة المغفور له باذن الله اخوها سائلين الله عز و جل ان يتغمده بواسع رحمته و ان يسكنه فسيح جناته و يلهم اهله و ذويه جميل الصبر و السلوان )
_________________________________
🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸
اللهم انصر اخواننا في فلسطين و سدد ضربهم و ارحم شهداءهم
__________________________________
نحتار نوصف فرحتي بافراحك.... وخيتي الحنينة غدوا فاضي مطراحك...
و بدي الفرح .... و اقترب موعد رحيلها لحياتها الجديدة ..يعني اقترب موعد تركها للبيت الذي جمعنا في اجمل اللحظات معا و قد تكون اجملها هي التي تشاركنا الاحزان فيها ... من قال ان الظهر اخ و الظهر سند يقويك وقت اطيح ... ممكن صح بس ما تنسى ان الكتف دوره مهم و كنتي الكتف اللي يا ما حطيت راسي عليه و نسيت كل همومي ...
عن علاقة السايح و فريدة نتكلم ..... و هلبة زيهم ❤️❤️
❤️❤️❤️❤️❤️❤️❤️❤️❤️
و في احدى ليالي الاسبوع اللي يسبق الفرح ...
جلسة بسيطة يهدوزوا فيها بكل اريحية في مواضيع مختلفة
بداها حسين : قولي يا اسماعيل
حد طاسة الشاهي من ايده : نسمع فيك
بدي حسين في الشرح: هذا قالي نسيبي انك بتحصل تعويض كبير من الدولة ع الحبس اللي انحبسته و الله فرحتلك انت و الشباب اهو يقدروا يبنوا و يديروا مشروع ع حالهم
تفاجا و تلخبط : اه ... مش عارف انا ما قالي حد
خميس زي اللي شك فيه : توا كيف بيعرف نسيبه قبلك و بعدين ماهو حتى هو عنده ناس في الجيش انظني ولده خش للجيش هذا منين سمعها
اسماعيل : تي كذب يقولوا و ما يصير شي ديما
حسين ضحك: خايف نحسدوك اماله
اسماعيل سايره و ضحك: كان هناك !!!! خوتي انتم ليش بتحسدوني غير ع قول ناس زمان ما تقول حمد جي لين يقول الباب زيو
ضحكوا مرة ثانية ...
بس خميس عيونه قعدوا مع اسماعيل و زي اللي شك فيه !!
بقلم مارية علي الخمسي ____________
بداية اسبوع العرس ....
من جهتها ذكرت عفراء اشرف باللعبة اللي حكالها عنها و الكل وافق يلعب معاهم .. و بدي اشرف بالتحديد في التجهيز للمسابقة هذه او اللعبة و استعان باشخاص ح يكونوا مفاجاة للكل و ليها هي بالذات ...
