حست ان هذا المناص الحقيقي لتدمير كل ما جمعه بتلك العايلة : اسمعني يا عزالدين و اذا مش مصدقني زي ما قلتلك تقدر تسال جدك خميس تسال عمتك صالحة جداك رجعة اسال بوك نفسه و صفية و اذا قدروا يكذبوا عليك بعدها تعالى تبرا مني لزني دير فيا اللي تبيه
ثقتها كانت مرعبة ليه
كيف تقدر تتكلم باليقين هذا
اي خاف و خاف هلبة لو الكلام هذا حق
و كملت باقي نفث سمومها فمعروف عن الافعى انها اذا ما افرغت سمها لفترة طويلة قد تموت به اختناقا : بوك كان يبي ياخذ صفية من زمان و هي عارفة الشيء هذا ... كيف صار و ليش سيباته و فضلت عليه ابوبكر انا ما نقدر نقول شي ما نعرفه بس اللي توقعته بعد فكرت في الموضوع انها تبي تطلع من الرابطة و تجي اهني ولان وقتها كانت حالة ابوبكر و اهله احسن بهلبة قبل ما يخش ولدهم في السياسة و يطلعوهم برا البلاد و ياخذوا رزقهم و خذت صفية ابوبكر ... (دارت روحها تبكي ) و جي اليوم اللي خذيت فيه بوك " تصور ان كان يغلط في اسمي و يقول صفية ... هذا غير عمتك صالحة طول الوقت تفكر فيا بيها و تقول يا خسارتك يا صفية و جداك خليها بروحها كانت ديما تعزر فيا بيها كرهتها و حقدت عليها و الشيء هذا ما ننكره تخيل معاي يوم اللي تجي فيه صفية للرابطة بوك اللي كان يعيش فيا في القلة و كل شي مش موجود في الحوش مازال غير الذبح ما يذبح و ما يخلي ما يوصي فيا و في صالحة و في قولة هذا تحبه صفية و هذا غالي عليها و ردو بالكم تحطوا من هذه راهي ما تحبها و في رايك انا مراة واخذة جديد قداش نتحمل من هالكلام يجي يوم و بننفجر صح والا ...رد عليا ... و ياريتها جت ع هكي
هو هجموا عليه الذكريات في مرة
في بوه فعلا كيف يروح حامل و محمل بالاغراض وقت تجي صفية
و للاسف ما تذكر كلام بوه وقت يقول صاحبي جايني و ما تحشميني معاه وقت يتخاصم معاها ع تحضير الاكل لجيتهم ...
وقف و هو مصدوم مش متخيل تكملة الكلام و لا تخيل يحط بوه و صفية في الخانة هذه : اسكتي تسمعي و الا اسكتي معش تتكلمي
مشي جري للباب ع شان يفتحه و يطلع يبي يهرب معش يبي يسمع اكثر من هكي
بس تفاجا بيه مسكر بالمفتاح
بدي زي المجنون يضرب فيه : افتحوا ... تعالي اهني و افتحي الباب
هي بجنون مشت للروشن و رمت منه المفتاح : شفته المفتاح و رميته و الحوش فاضي ما فيه حد تقعمز و تسمعني زي الطيب و بعد نكمل كلامي عدي وين ما تبي
وهيبة كانت تناقش فيه : اسمع انا مش مطمنة يا فوزي خليني نروح نشوفهم مش معقولة تقعد تدور بيا بالسيارة لاخر الليل وين نندري شنو يصير بينهم
تدخلت ايناس : ماما بالله خليهم يتفاهموا شنو مخلياته مع عدو انت امه هادي
