(اسفة جدا ع التاخير بس زي ما نزلت في اعلام الاعتذار الحلقة طويلة و انا اصلا عندي بردة و صداع و الله هذا وين كملتها )
*********************************************
الخذلان و الخيبة و القهر .... ان اجتمعت ع قلب احدهم فتكت به فماذا ان اجتمعت ع قلب محب معطاء و وفي و مخلص و اتته هذه الطعنات جمعاء من احب الناس ع قلبه
رغم سواد الليل و ظلمته الا ان مرتاح في البقاء وحيدا
و رغم السكون اللي فيه حاليا الا ان اصوات صالح و صوت بوه و صوت امه و خميس و باسل و حتى بكاء اسراء يوم الاعتداء اللي صار مع باسل كلهم في عقله
كلهم يعطوا فيه في درس واحد ع الدنيا و ماذا فيها من الام
شاف فوق : يا رب عندك حكمة في كل شي و انا متاكد سامحني لو غلطت و تجاوزت حدي انت رب الناس المظلومين و الفقراء بالذات انا فقير مظلوم و جيتك نبيك تدلني ع الطريق الصح نبيك تساعدني نطلع من اللي انا فيه (حط ايده ع صدره ) نبي الغمة اللي ع صدري هذه تمشي مش قادر نتنفس كلا هي (امه) نسامحها و تمون ع رقبتي حتى لو راحتها في موتي راضي يا ربي مش متحمل فيها الوجع عارف ان هذا شرعك و لا اعتراض لكن انا عارفها واعرة عليها يا ربي مش قادر نتخيلها في الموقف هذا .... سامحني يا ربي سامحني
سمع صوت سيارة ياسين و اكيد من غيره يعرف مكانه بدي يمسح في وجهه ع شان ما يشوف دموعه
لعند وصل فيه و قعمز جنبه : تبي تدرق دموعك عني يا رفيقي
ما يبي يبين ضعفه: ما عنديش دموع و بعدين ليش جاي وراي بس انا شوية و نازل لطرابلس الراجل خليته بروحه في المستشفى و ما عنده حد
حب يغير جوه و يمازحه : يعني مش ع شان بنتها طرابلس
كأن ناقصه هو : ااااه لا عاد في بنت طرابلس و لا غيرها انسى
ضرب ايديه في بعض بمعنى خلاص تمت
اهني فعلا تالم عليه لان كان في عقله يقول السايح مش ح يطلع من الحزن واللي هو فيه الا عن طريقها : كيف صار
صفق بايديه : ما صار شي و لا ح يصير بالله يا ياسين تعرف والا انا من الاول مش حاب ندوي في الموضوع هذا لسبب واحد لان متوقع ان مستحيل و ما نبي حد لا يوجعه حالي و لا يجيني يقولي انت غالط من الاول فكرت في حاجة مش ليك و حاجة اخرى تعرف اني هكي مرتاح طول الوقت من داخل عارف انها مش ليا و كنت خايف من الطريقة اللي بينتهي بيها الحلم هذا كل اللي نبيه ما ينتهي بطريقة توصل بيني و بينها اني نكرهها او معش نتحمل نسمع سيرتها و تنزل من عيني الحمدلله اللي صار الشيء هذا هكي قاعد خيرلي
ما فهم منه شي و برضو حب يمازحه و يغير الموضوع : معناها بعد عرفت انا فسدت عليك يعني قولك انا فقر ؟
