نرجاك عمري كله مغير ترضى بيا
ونفداك بروحي و عيوني ليك ياغاليا
بعد كنتي فوق بعيدة. اليوم صرتي ليا
لكن الباين الفرح كلهم حرموه عليا
فديتك بروحي و اليوم اهوحرقتيها ليا
(كلماتي )
__________________________________
هاه بنتي شنو قلتي انا راهو ما بيت نسال امك لعند نشوفك شني رايك؟
بدون اي تفكير : موافقة يا عمتي
و زغرطت حواء : روروروي يا ريته و الله نهار مبروك الحمدلله يا بنتي يشهد ربي نحبك و نبيك كنتي اليوم قبل غدوا
قربت باستها
و بعدها تفكرت السايح اللي دست عليه الموضوع لعند تتاكد منها
لهذا سيبتها في مكانها و خشت تدور في السايح تبي تقوله
خلتها مش فاهمة شي و خلتها برضو تحاسب نفسها كيف تسرعت و ع شان هكي قررت تلغي روحها
لهذا خذت العلاقات و حطتهم في الغسالة و شغلتها
بعدها طلعت و مشت برا وين ما موجودات الفراشات و بدت تدخل فيهم للمربوعة
كان في قمة استغرابه زعمه امه علاش جاية لعنده في الدار لان قاللهم بياخذ ملابسه و بيطلع مش حاب يتلاقى مع بوه من جهة و ع شأن زحمة العرس من جهة ثانية: يما خيرك ؟
ايديها الاثنين ع وجهه و الدموع معبئة عيونها بدت تبوس في خدوده: سامحني يا ولدي
حول ايديها و باسهم و باس جبينها : قلتلك تموني انت يا امي انسيه الموضوع هذا حتى انا نسيته
كانت تتكلم و تتخيل في ردة فعله وقت يعرف : عارفة يا سايح عارفة انا فرحانة هلبة لاني بنفرح بيك و بنشوفك عريس قريب و اول ما العروسة قالتلي موافقة قلت نجي و نفرحك
انصدم لانها خطبتله ماهو عاد مستحيل يخالف رايها : غير ليش يا امي بس تتصرفي من عندك
كانت حاسة انها عاجباته: مش من عندي انا عارفة يا ولدي اللي في خاطرك
و الوجه شنو صار فيه و القلب حاله ما هو خافي ع حد لدرجة حس بفشل تام في جسمه و معش قدر يتكلم
و هي كملت : بنت صفية ع قول اشرف
فتح عيونه ع اخرهم من خوفه مش من فرحته لان عارفها مش حاطاته في بالها : شنييي ؟!
استغربت صدمته: سايح خيرك يما انا عارفة انها عاجباتك يا ولدي حالك تخفيه ع الدنيا كلها الا ع اميمتك راهو ما حد حاس بيك غيري
تلخبط و انحرج : لكن يما انا ما نبي ننحط في موقف .. و البنت ترفض و ...
شهقت : موقف شني اللطف هي سمعت من اهني و طول قالت موافقة
و زادت الصدمة اكثر : هكي قالت هي ... امي يعني انت متاكدة انك سالتي عفراء بنت ابوبكر عليا انا السايح و هي قالت موافقة
