هل يرتوي من قضى عمره تائها في صحراء قاحلة دونما ماء يروي ظمأه
لا و الله يظل ابد الدهر به هوس للماء و ظمأ ناره لا تنطفيء
وانت هوسي منذ اللحظة الاولى
وانت ناري التي لن تنطفيء
و انت شوقي الذي لا ينتهي
وانت هدفي الذي ساظل ابد الدهر اسعى للحفاظ عليه
لن أرتوي طيلة العمر وانا انظر اليك اشتاقك
(كلماتي )
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
و بعد مضي الليلة هذه ... بدي اسبوع الهيام و الانعزال عن كل الدنيا عندهم بعيدا ع كل الضغوطات المحيطة
و في حوشهم اللي يبعد القليل عن حوش اهله
بس لان الكل فاهم انهم في تونس ما عدا اشرف ما حد ركز ع الحوش و بالذات و عليه السور
لعند الان ما حد ركز ...
بداية بصباح يوم السبت ....
اول صباح ليهم مع بعض و لبعض و بدون اي ازعاج من حد
هي اول ما فتحت عيونها دورت ع التيليفون بشكل طبيعي ع شان تشوف الوقت بس ما كان موجود استغربت و زي يوم الامس كان هو سابقها و فايق
لفت شعرها فوق و دخلت الحمام اكرمكم الله
بينما السايح اللي مازال ما وراها كل اجزاء البيت و مفاجاته اللي ما تنتهي كان في زاوية السور تحت مظلة مخدومة بالحجر و القرميد و تحتها مقاعد مبنية و مزينة بالحجر و الرخام حط الفطور وناوي يخش ينوضها خلاص
و لكن كعادتها تشرق الشمس حين يفتقد نورها و دفؤها
الجو ربيعي بامتياز بس عاد الصبح مازال فيه تصقيعة
لهذا كانت جايبة كاب ع اكتافها : صباح الخير
مع قبلة حب و تقدير ع الجبين : صباحي نور بوجودك
حطت راسه كلا ع كتفه: يعني مستحيل يصير ونفيق قبلك و تخليني ندير واجبي معاك
مد ايده ليها و الاكيد هي تمسكت بيها جابها لمكانها : هذا واجبك انت تقعمزي قدامي و تنوري الجلسة هذه بضحكتك يا سبحان الله كيف الشمس طلتك كل شي يكون شكل و بعد تجي انت يتغير
: كلامك هدا مش عارفة حتى كيف نرد عليه
السايح : خليك تشوفيلي بس ما نبيك تردي ردك يوصلني من عويناتك السماح السود هذيما
شافت الفطور و استغربت امتى لحق دار هدا كله : امتى درت البنكيك و البريوش
تصنع الغرور اللي كان ابعد ما يكون عنه: معاك شيف معروف راهو معقولة مستهينة بيا و بعدين قلت مرات هي عاد بنت طرابلس و متعودة ع الحاجات هذه ما تحب فطورنا
ضحكت : معناها ما تعرفني احلى فطور عندي دحي مطبوخ والا ناكل خبزة التنور بزيت الزيتون بالذات من ايديات نعيمة مرة خالي انا بعيدة ع الجو هذا بكل بس طالما درته انت ح ناكله و ان شاء الله بس ما يزيد وزني يا سايح من وراك كل شي عندي تلخبط
