يا قلب منك لله_ _ارهقت المشاعر نين عمري ولا_
في غيتك؟ ؟
ياقلب قتلك كافي_ _
نا اتعبت من جيت عزيز أصدافي_ _
الها ابدمعتي وارحم حنين أريافي_ _
هلي جنا مالحب غير العله_ _
كمين جرح يخلف جرح مو متعافي_ _
الخاطر ضماه الشوق ما إيتبلا_ _
والعين مالسهر كيف الغريب الجافي_ _
صابره عللي فالغلا يسلا_ _
ونا فالغلا مازال عهدي وافي. .
عقلي علي واجد اجروح تعلا. .
امغير ورتي صافت مثيل أصيافي. .
واعروق الغلا يبسن الحلم أجلا. .
خربشات. .محمودأكنيش.
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
و عرفوا و تيقنوا اهني ان كلام السنوسي حق
بس هل يتخلوا عنها او يتمسكوا بيها
اهني السؤال
السايح يتقطع قلبه عليها و مش قادر يقعد بعيد اكثر : يا خالي تصرف
انا ما نقدر نتحمل تشوفها عيني قدامي تتقطع هكي
و خميس وصل ل قناعة ان ضروري يعجل بزواجهم فعلا هي بحاجة للسايح و خاصة ان اول ما وصل كلهم قالوا انها رفضت تكلم حد منهم لعند جي هو
و حسين كان واصل و سمع كلامها و ما قدر يدخل و يواجهها
عارفين الجرح وقت يجي من اعز الناس
تختار عدم المواجهة او رفض التصديق
اما امحمد فوقت شافها بينهم ..... حس ان هدا هو مكانها
كيف بكت و كيف التجيت لحضن خميس عكسه هو ما اهتمت لا لوجوده و لا لصوته كانت في عالم موازي
حسين يوخر و مش مستوعب الكلام اللي سمعه منها بس وقت طلع كان السنوسي في وجهه كيف واصل جنب امحمد و اكيد مش ح يتصرف بحكمة اتي بالله وين بيلقى الحكمة بعد هدا كله
: انت شني اللي تدير فيه جاي هنا ...
السنوسي قاله ببرود : انا جاي لمكان عام و هذه اولا و ثانيا جاي لبنت خوي
امحمد : سنوسي اسكت وانت يا حسين بالله عليكم ما فيش داعي للمشاكل
فنص فيهم : انا ولدي مات شهيد و بطل ما حارب تحت الناتو كيفك ما رباته امريكا كيفك اتي انت يا ريتك حاربت و في الاخير حتى بنتنا قلبتوا دماغها و خليتوها تخش الوسخ هذا معاكم
السايح لاحظ الصوت
شاف عفراء كيف غفت ع كتف جدها اشرله ان ح يشوف الموضوع و هو يقعد
طلع بسرعة : شني في
جي في اتجاهه : سمعتها يا سايح
نزل راسه و وجعه الموقف
حسين لعند داهش منحني و ايديه الاثنين ع ركابه : قوللها كيف ما قلت لامها قبل سنين وقت خذت صالح خالك حسين مات و نهار تجي الرابطة حوشي ما تجيه و ياريت الرابطة كلها ما تجيها لاني ما نتحمل نشوفها يا سايح
و صالح اهني رغم وجعاته عفراء بس ما قدر يدافع عنها و لا يبرر تصرفها
اما السايح و مع ان كان عاذره بس ميزان القلب يرجح عندها هي : ما تصورت انك تقولها هي ما غلطت في شي هدا رايها لا قتلت و لا حرضت ع قتل ليش تلومها وانت عارف طبعها و عارف كيف طلعت من البلاد وانت اللي بايدك وصلتها لتونس وقتها شفت كل شي عاشاته
