وصلتني الحلمة هذه من متابعة عزيزة ع قلبي "سومة شليق " حبيبتي من شدة تعلقها بالرواية لعند شافت عفراء في الحلم ... حبيت نشارككم الحلمة ..
(حلمت عفراء بترولها رجلها وقاللها الدكتور معاش تقدري تركبي الحصان لكن السايح استغل ان العيلة كلهم مشو لليبيا مشي بعت صلاح يشوف عفراء وبالك يقدر يهربها 🥺🥺🥺)
________________________________
لو تدري يا حبيب القلب ما لك في فؤادي
لما قررت الرحيل و تركتني هنا لجلادي
كنت انتظرت
ومعي قاومت
و الي سرت
فهلا اسرعت
الم تسمع اهاتي و بكاء قلبي الذي ينادي
لو تدري يا حبيب القلب ما لك في فؤادي
(كلماتي )
🌸🌸🌸🌸🌸🌸🌸🌸🌸🌸🌸🌸🌸🌸🌸
و اخيرا و ربما لان اجهد نفسه بالبكاء غاب في عالم النوم و الاحلام
عزالدين واقف عند باب الصالة و طارق جالس ع الصالون جنب عيسى
عزالدين : من امتى و هو يبيها
طارق بدون ما يشبحله : من زمان
عزالدين : مستحيل لو صح كان قالي
شبحله طارق بنظرة ذات معنى و اكيد معناها وصل : جديات تقول. ماتعرف روحك كيف تشوف في نفسك بس و بعدين تذكر وقتها شنو صار و كيف صار
نزل راسه و هو نفسه وجعاته بنت خالته : تقول حلم اللي صار وقت قعد يسال ع الناس اللي في الشارع ذبحني بكلامه
طارق : و عنده حق. كل شي يبدا بمرحلة .. مرحلة وحدة او حجرة وحدة اطيح و الباقي يلحقوها بالدور
عزالدين : ناقص تقول اللي صار في ليبيا بسببي
طارق كان مش متقبله نهائي : بسبب الناس اللي زيك
شبحله بشك : شكلك من جماعة النظام
ضحك طارق : لا ارتاح انا مش مع حد كنت معاهم ضروني انا و بدون اي وجه حق و كلا الطرف الثاني اللي مستبيع و عنده يجوا حتى اسرائيل عادي المهم يوصلوا للسلطة مستحيل نكون معاهم انا مع الناس المظلومة اللي استغلوهم زي عيسى و زي المرحومة و زي فواد الله يرحمه و زي محمد ربي يشفيه
انتبه و ملامحه تغيروا : من فؤاد
طارق ما كان عارف ان ما عنده علم : فؤاد ولد حسين اللي في الرابطة
انصدم : مات
طارق. طلع من جنب عيسى و دف عزالدين قدامه : انت ما تكلمش في اهلك شورك يا سبحان الله عليك و بس يعني حرب و ضرب في كل مكان و انت عادي ترقد و مرتاح في الغربة و ما فكرتُت
تتصل باهلك
