( صحة فطوركم و تقبل الله صيامكم ان شاء الله ... سبق و اعتذرت ع عدم الانضباط في التنزيل لكن و الله هذا المتاح نتأسف ثاني و ياريت الناس اللي تبعثلي و تلوم فيا تعذروني ❤️❤️❤️)
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
لو كنت اعلم انها ليلتي الاخيرة معك ما تركتك تذهب
كنت اجلت الصباح و جعلته ليلا سرمديا اكون انا قمره وانت هواءه الصافي النقي
لو كنت اعلم انها المرة الاخيرة التي انعم فيها بدفء كلماتك لما تركتك تصمت و لو للحظة
لو كنت اعلم انها مراتي الاخيرة للابحار في عيينك ما سمحت لك ان تغمضها تلك الليلة و سمحت لنفسي بالغرق فيهما وانا سعيدة و راضية
لو كنت اعرف انها دقات قلبي الاخيرة لتركته يجن بنبضاته لانه سيتوقف لا محالة بعد رحيلك عنه ....
(كلماتي )
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
مروا ثلاثة ايام و كأنهم الدهر بحاله بس رغم عذاب فراق الاهل الا انها كانت في راحة و أمان بوجوده جنبها
:عيوني احسن اليوم
كانت اطبق في سجادة الصلاة و تقول في سرها من يلومني في حبك وانت غامرني بحنك و حبك للدرجة هذه : الحمدلله ، صدقني طالما انت جنبي و معاي كل شي يهون
واهنئ قرر يطلعها رغما عنها من اجواء الحزن اللي معيشة روحها فيه: باهي معناها وتي حاجات السهرية بين ما وتيت النار و القعدة برا
و هي ما حبت تكسر بخاطره : تمام
حط ايده ع قلبه : و الله نحبك
ردت عليه بنظرة من عيونها عبرت عن كل مشاعرها الصادقة اتجاهه
و طلع من عندها ع شأن يدير اللي قاللها عنه اشعل النار و جهز المكان سمع جرس الباب الرئيسي استغرب من يكون الزائر في الوقت هذا توجه للباب فتحه و اللي القاه ابدا ما توقعه : عمي
مفتاح بملامح كلها تجهم : الباين تغير طبعك يا ولد خوي من يومك تفزع للبراني قبل اللي ليك وقت فتحت موضوع بنتي مع بوك كنت ضامن انك تقول باهي ما توقعتها منك انت بالذات الردة
تجاهل كلامه و آشر لداخل الحوش : تفضل داخل و قول اللي عندك
برفض قاطع : حوشك مش ح نخشه يا سايح الوقت تاخر و انا نبيك في موضوع سقادي تسمعني و تحاول تساعدني و الا بتردني حتى في هذه
رد الباب وراه و طلعله برا. : نسمع فيك و لو في مقدوري مش ح نردك الا اذا ع السيرة هاديكا سامحني
مفتاح : لا هذاكا خلاص باب و سكرناه ، نبي منك اخر خدمة بعد انك ما قدرت تاخد بنتي لا انت و لا خوك احني شبه وصلنا لحل مع ال### اللي كان واخذها طلب فلوس و دبرنا فيهم خايف نبعث الاولاد بروحهم يدير فيهم حاجة و يودرهم ع شان هكي نبيك تمشي معاهم ماهو عاد طلع عمه صاحب صاحبك اللي اسمه ناجي يعني مستحيل يضروك
