الامل ...
مستحيل شخص تعرفه زي نفسك يخذلك و هي الادرى بيه حتى من نفسه
: مش ح يجي واضح
باصرار كبير : ح يجي و ح يلعب و ح نخشوا الممتاز و توا تشوفوا
اما بوه كان منزل راسه و لازم ياخذ قرار : هيا شباب للملعب المدرب يستنى فيكم و انت يا بنت روحي طول بتتفرجي من السطوح عادي لكن اهني لا
اضطرت تطلع
كانت تمشي و منزلة راسها لعند شافت شي مستحيل تنساه
شي كان وقعه اصعب من سماعها جملته الاخيرة .... "خلاص انسيني"
لابس سيرية الفريق الخصم يعني بيلعب ضدهم
يعني بدال ما يحقق حلمهم ح يكون السبب في ضياع هالحلم منهم
عيونهم اللي اعتادت في هكذا لقاء يقولوا و يحكوا قصص و حكايات من العشق و الوله
كانت تحكي خيبة امل و الم كبير خوف و كره و بغض
تحكي عن خذلان و حشمة
اي متحشم يشوفلها
حط ايده علي كتفه : درت الصح يا كابتن لوح وراء ظهرك و فكر في المباراة
تخطاهم و مشي
زي ما دارها قبل وقت تخطاها بعد كلمته و حرقته لقلبها
و تخطى بوه اللي دار كل شي ع شانه بس اليوم هو دار كل شي ع شان يحطمه و يخيب اماله بكل برودة دم
لكم ان تتخيلوا وقع هكذا خبر ع باقي زملاءه
اسفة زملاء الامس شركاء تعب و رحلة طويلة
شافوا فيها المر
و اهني كان لابد من ضبط الامر
تكلم بصوت مهزوز :يالله للملعب و انسوه زي ما نساكم
بس هي وقت شافت اثر اللي داره فيهم
تصرفت بطريقة هي نفسها مش مصدقتها
و دارت ما لا يخطر ع عقل اي منهم
..... يتبع
مع تحياتي
مارية علي الخمسي ❤️❤️❤️❤️❤️
