(الرجاء الدعاء لاخواننا في غزة بالنصر ع الصهاينة المغتصبين 🇵🇸🇵🇸🇵🇸🇵🇸)
__________________________________
(الصورة هدية من الكاتب YahyaEd3 الشكر موصول ليه )
_________________________________
بعد مرور يومين ....
في كافي قريب ع حوش سعاد : شنو ؟
الراجل: و الله يا خويا انت اللي حطيت نفسك بهكذا موقف نحنا في المغرب ما عندنا احتراف اللعب للاعب الوطني فقط
حس راسه داخ !! شنو درت يا فوزي هذا ما قال في نفسه
خذي مفاتيحه و تيليفونه و طلع يفكر كيف يتصرف مع عزو
بالذات بعد تفكر اللي صار يومها و البنات اللي عنده حكوله
ولان عارف سعاد و عدم مبالاتها ما اتصل بيها رغم ان شاف منها مكالمات فايتة ع تيليفونه
و جي فوزي لحوش اخته
... و كان محضر نفسه تماما لعزو
رن الجرس و فتحت مليكة: اهلا سيدي
خش و ما رد عليها يدور بعيونه في الحوش ع عزو
لعند شافه مقعمز في الصالة و سارح " يا عليك ورطة "
تصنع العفوية : وين يا كابتن سارح وصلت في ليبيا اكيد يا ودي انا متوقع الشيء هذا انك مش ح تتحمل و تقول في نفسك يا ريت ما جيت و قعدت غادي
اعطاه نظرة بمعنى يا ريتك انت ما جيت
تجاهل المعنى اللي وصله و قعمز جنبه ضرب ركبته : اي شنو رايك اليوم نطلعوا في جولة
مستمر يشبحله بس
فوزي : شنو يا راجل لو تعرف قداش حاجة سيبتها ع شانك و جيتك طول بس نبي ندهورك في البلاد و تغير جو نلقاك قالب وجهك
لف عليه: انا جيت اهني لسبب واحد و انت عارفه كويس تغيب تغيب و وقت تجيني تقولي نتدهوروا
هو حاس ان في زارية ضيقةً: تي وين غبت يا راجل هو كلهم كم يوم عندي خدمة و تميتها
ابتسم بهزوة و شافله بنظرة احتقار
فوزي فهم اللي فيها : عارف الكلب طارق جابك للشقة و شفتني ماهو يا عزو لازم تفهم ان في حاجات يعني احني الكبار ضروري منهم تي عاد اعتبرتك صاحبي و قلتلك ع الهم اللي نعاني فيه من المراة
زاد اشمئزازه
فوزي : و لو تبي سهرة زيها ما عندكش مشكلة انظملك الجو
وقف و بينفجر من اسلوبه : لا .. انا جيت نبي نلعب كورة ... و لاعب الكورة يا خالي الامور هذه مستحيل يديرها حتى الكافر يا بال المسلم لان معروفة انها ح تكون نهايته
" مصدق روحه و بالك تحساب انك رونالدو " : و انا ما قلت شي بس مش عارف كيف منجيبهالك خايف آنك ما تصدقني
ضم ايديه لبعض : نسمع
بكل براعة و احتراف في الكذب :لان الراجل اللي متفاهم معاه ضحك عليا من الاخير انا عطيته فلوس ع شان يتوسطلي مع الناس اللي في النادي و يديرولك الاختبارات هذه اللي يديروا فيها بس وقت وصلت اهني عرفت صدفة ان الدوري المغربي ممنوع فيه المحترفين الاجانب يعني حتى العرب ممنوعين من اللعب ..تحشمت منك و هذا اللي خلاني يومها نشرب و معش نجيكم بكل
