(اعادة نشر ع شان الناس اللي ما طلعت عندهم الحلقة )
الآهات
اه من جفاك واه من خزراتك
واه الف مره من اظروف زماني
واه من نهار الشوق واملاقاتك
وكيف صار في قلبي اللي فحضاني
واه من دلع محلاه فأحكاياتك
واه من دلالك وينما تلقاني
واه من دفا مسكون في همساتك
واه من حنانك كان جا الحناني
واه من امرار الوقت في غيباتك
واه من غلاك ابقيت دوم انعاني
#محمود اكنيش_شاعرليبيا
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
في مقهى مطل ع شاطيء البحر .....
بعد شربوا قهوتهم : قولي يا بوي خيرك يعني سامحني مش من عادتك تجي فجاة بدون ما تعطيني علم نلاقيك في المطار
خيري حط قدامه الاوراق. : انا سجلت كل شي اليوم في الشهر العقاري باسمك انت و مهند و اختك هنادي خليتلها الشقة اللي في ال٪## و مبلغ في المصرف كلا الباقي بينك و بين خوك و الشركة باسمك انت بروحك مع اسهم و نسبة لخوتك و الادارة ليك انت بس نبيك توقع يا طارق بدون اعتراض بتقولي مش محتاج عارف انك مش محتاج لكن انا محتاج نطمن ع رزقي و رزق صغاري نبي نطمن ع خوتك و خايف بعد ربي ياخذ امانته سعاد تاخذ كل شي هي و خوها و هكي يلحقوني الذنوب من عمايلهم حتى بعد نموت
لاول مرة يعيش شعور الخوف ع بوه : علاش تقول هكي بس ربي يطول في عمرك
قداش فرح بيها منه : كونك خفت عليا هذا اكثر شي يفرحني و توا لو تبي تفرحني اكثر وقع تربح يا ولدي نبيك انت اللي تكون مسؤول ع رزق خوتك بعدي
انخنق صوته و عيونه دمعوا : بس
: قلتلك لو تبي تفرحني بس الباين تبي تنتقم مني ع النكد اللي عشته من وراي زمان و عندك الحق
ع طول خذي البيرو و وقع : انا عمري ما فكرت ننتقم منك و انت عارف
اشار بالموافقة لحركة من راسه : عارف ...
شربوا قهوة مع بعض بعدها خيري خذي الاوراق و قبل ما يطلع : نبيك تسامحني يا طارق و اعرف اني لو مش خايف عليك من غلطة عمري (يقصد سعاد ) كنت مطلقها ليا وقت لكن اللي كيفها الشر ماليها و نخاف لو سيبتها ع راحتها تدير عملة فيك وانا ما نعرفش
بدون تردد حضن بوه و لاول مرة يحس خيري بشعور ايجابي من ولده لدرجة تمنى ما يفارق حضنه
و اخيرا ابتعد عنه : حاشاك يا بوي .. و ما لمت عليك الا من محبة
نظرة عيونه كانت عميقة هلبة لدرجة طارق حس بالخوف : عارف .. و نبي منك تسال ع خوك مرة مرة حاله مش عاجبني من يوم زيارة عزالدين لامه و هو في عالم ثاني الباين سمعه و هو يتعارك معاها
طارق استغرب لان مش سامع شي جديد : امتى زارها ؟
جاوبه خيري واعطاه الموعد بالتحديد و بعد ربط الاحداث قدر يعرف ان مشالها بعد خطوبة عفراء و السايح و ع حسب تخمينه ان حط اللوم عليها في خسارته لعفراء
