(الصورة لباسل )
ملاحظة : حلقة اليوم مش طويلة و لا فيها احداث كثيرة و هذا كله تمهيد للي جاي ... من الحلقة القادمة اربطوا الاحزمة ان شاء الله و ح نعوضكم ع قصر الحلقة بتشويقات للاحداث القادمة ❤️
___________❤️❤️❤️❤️❤️❤️❤️❤️❤️❤️❤️
لعند تكلم بعد خروج الجميع نقصد المعازيم و قال : اسمعني يا اسماعيل راهو السايح لمد دبشه و نزل لطرابلس مكلمينه من غادي ع خدمة في ورشة و ماني عارف انظنه حتى بيقرا غادي
اسماعيل مش مستوعب الكلام اللي يسمع فيه : شنو تقول يا خميس ؟ و احني لمنو مخلينا و السيارة الكبيرة منو بيخدم عليها تي حتى الطراطوري هو اللي يخدم عليه
شاف لاشرف اللي حط تيليفونه و كان متجهم الوجه زي بوه اشر عليه خميس : اهو ولدك اللي داير عزومة و فرحان بيه مش كمل قراية برا خلاص هو اللي يقعد معاكم
ع طول و بدون تردد : لا ماهو افهموا الموضوع انا جيت نشوفكم و نطمن عليك يا بوي بعد طلعت لكن اني نقعد هنا مستحيل انا قبل وقت كانت الدنيا كلها مسكرة في وجهي ما قعدت تبيني نقعد توا بعد كملت قرائتي و حصلت خدمة باهية لا انا ما دخلني في شي جيت نشوفكم بالكثير اسبوعين شهر يا سيدي قول شهرين و مولي ثاني للسويد
اسماعيل شاف لولده بخيبة امل : انا فرحت قلت تقعد معانا تحصل عمل هنا بعد خذيت شهادتك
قاطعه بضحكة متهكمة : عمل شنو يا بوي بالله عليك ؟ و كم بيعطيني العمل هذا ميتين ثلاثة ! انا برا و قبل ما نكمل قرائتي المبلغ هذا نصرف فيه في يوم انا نعاود و نقول جيت نشوفكم و مولي من وين ما جيت و بعدين السايح شنو خطرله توا ؟ ياما زمان قلتله تعالالي برا و ندبرلك عمل سكر راسه و في قولة اهلي و عيلتي و امي علاش توا قرر يسيب كل شي و يمشي انا ما دخلني فيه اذا شغل راسه و فكر في عمره صحة ليه .. لكن حتى انا ما تحطوها في راسي عندي ما ندير غادي
و طلع و سيبهم
عصب اسماعيل : توا حق هذا وقته حتى السايح خطرله توا الخدمة و القرايا !!
خميس وقف و بتحذير : خليه في حاله السايح لعند هنا و ساده انتم كل حاجة تحطوا فيها في راسه و في الاخير ما يعجبكم ايواه
طلع من جنبه و وقف جنب باب الحوش و ينادي : حواء يا حواء
اول ما سمعت صوته سكرت باب دار السايح اللي من يجي ساعتين و هي تدور عليه و طلعت : خميس ناديتني ؟!
خميس ايديه الاثنين ع الزقية : اي ... بنقولك
حطت رداها ع راسها : قول نسمع فيك يا خوي
