( ح يكون في تابع ح انزله متأخر و اعذروا تقصيري غير المقصود ❤️❤️)
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
عند وصول احدهم لمبتغاه
عادة يكون احدهم قد فقد شغفا
اضاع طريقا
افاق من حلم
خسر حبيبا
__________________________________
اسراء ما حبت تثقل ع صالح و بالذات في يوم زي هذا
ع شان هكي قررت تاخذ الطلبيات بروحها للمطاعم المتفقة معاهم
جابت الصغار و حطتهم عند صالحة و مشت في تاكسي ...
و اول ما وصلت ...للمطعم الاول نزلت اول جزء من الحافظات و سلمتهم و خذت المقابل و رجعت للسيارة
و بعدها اعطت العنوان الخاص بالمطعم الثاني للسواق و مشت في اتجاهه
ايمن كيف وقتها طالع من المطعم : اسمع بالله صبري خليك اهني شوية لازم نمشي امي عندها تحاليل و ضروري تديرهم توا
صبري : اطمن يا خالي
ركب سيارته و طلع من اهني
و درست وراء السيارة التاكسي : افتحلي الصندوق معليش يا عمي
: تفضلي يا بنتي مفتوح
مشت للخلف و فتحت صندوق السيارة خذت الحافظات و مشت للمطعم
دورت بعيونها لعند شافها واحد من اللي يشتغلوا
جي في اتجاهها : انا جاية نسلم طلبيات العصبان كيف ما تحق فيا اها و في معاهن بيتزا
: فيكي تنتظري شوي بس لحتى شوف حدن من الجماعة اللي هون
و يا لهجته شنو تديري فيا ولوين تاخذي فيا لايام منسية عدت و ياما دارت فيا
مشي القرصون و هي فجاة حست بدوخة " كنك يا اسراء مش وقته بكل "
تماسكت نوعا ما
هو وقت اللي مشي حكي لصبري و وقتها كان صبري مش مركز معاه : خلاص خوذ منها و
فتح الدرج و اعطاه المقابل : و اعطيها اهو مجهزهم خالي قبل ما يمشي
: مثل ما بدك
خذي الفلوس و مشي
شوية : حيه ع امي حيه مرات هي
يقفز من وراء المكتب و يطلع يجري
شافها من الخلف و شبه تاكد انها اسراء مش عفراء طبعا هو مايعرف عفراء بس من خلال كلام ايمن
طلع وراها يجري بس كان صعب يلحقها
كانت خلاص ركبت السيارة
دور سيارته وين دور سيارته القي واحد مسكر عليه : خزيه عليك حظ خزيه.. كيف بنقوله بس !
