(نزلتها بكري اليوم زي عادتي نقوللكم مش ديما الظروف تأخرنا ❤️)
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
كشفتُ لك عن روحي؛
بضعفي.. بأنيني.. بمخاوفي،
بعيوبي.. بمزاجيَّتي.. بمعاناتي..
تركتَ كُلَّ شيء،
والتقطتَ نِقاطَ ضعفي؛
خَوفي عليك،
تمسُّكي بك،
ارتياحي لك...
فـ يا مَن أسكنتُه قلبي وروحي:
لا تضغط علىٰ أوتارِ غُفراني المُفرَط،
ولا تُراهِن علىٰ صبري الطويل،
ولا تستَبِح حُرمةَ حبِّي لك،
فإنَّني بقدرِ ما أحبَبتُك، لا ولن أبخسَ حقَّ نفسي..
هذه أنا..
فلتقبلني كما أنا، أو.. لتتركني وشأني.
###صالحه
(Somya Bun Amran)
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
منذ وصولهما المكان اللي اعدت تفاصيله حنين
وصالحة مش مصدقة ان في حد مهتم بيها و بسعادتها و بالذات منه هو حتى طاسة الميا اكيد بنتها غير : امتى درت هذا كله ؟
هو ابتسم : حنين دارت كل شي البنت تبي تفرحني باي طريقة !
تحشمت و تفكرت باقي العيلة: حيه عليا لو يجي حد اولاد حسين والا اسماعيل راجل عمتي اماله نعيمة حيه عليا تفضحني باقي عمري كله
شد ايدها ع شان تهدا : اسس ما يجي حد خليك معاي
هي تبي توقف : لالا خليني نخش عن يجي حد
بتهديد : تخشي نمشي انكد ع السايح و عفراء
رجعت قعمزت و هي مضطرة. : باهي قعدت
طلع من جيبه وردة و مدهالها : تفضلي
تفكرت ايام زمان : كنت تاخذ فيها من جنان عمتي حواء بالدرقة
ضحك : شني اسمها هي هاديكا
تشم في الوردة و هي سعيدة جدا : وردة الكاتفه ... عليك ايام ما احلاهم وردة كنت نعيش بيها شهور لعند تجي مرة ثانية
باسف كبير و ندم اكبر: سامحيني سامحيني و الله من اول ما سافرت ندمت لكن معش قدرت نتراجع
تذكرت كلام حنين : عارفة
استغرب : من وين عرفتي وانت حتى امس تقولي عارفة !
و هي تلعب بالوردة : قالتلي حنين و حكتلي كل شي
وجعاته بنته لان عارف مدى صعوبة الامر هذا عليها : بنتي هادي مش عارف بشنو انكافيها يا صالحة تدير اي شي المهم نكون فرحان
: لانها تحبك يا عمر
عمر : باهي وانت مازال عندي مكان يا بنت عمي راهو و الله تاكدت بعد روحت ان مكانك عندي كبير و زاد ما نقص و نبي نعرف انا مكاني عندك شنو
رجعت صبية ذات الخمسة عشر عاما : زي قبل يا عمر و اكثر .. يا ريت كنت زي باقي النساوين اللي ساهل عليهم يقلبوا مع الوقت و يبدلوا انا ما قدرتش و اهو قدامك قعدت نراجي لعند (ضحكت) وليت عزوز
