(طبعا هذا تابع لحلقة 36 واكيد في حلقة جديدة ح انزلها في الموعد باذن الله ❤️❤️❤️)
__________________________________
هدى : ما فيها شي هذه راهو متاع كاراتي وملاكمة
فنص فيها : تي بري شوفيها
مشت و هي تضحك قعمزت جنبها و حكتلها ان السايح بعثها ع شان تطمن عليها
هي ع طول لفت و شبحتله
تهرب منها و رجع جنب الرجالة
رجعت لهدى بعيونها : يعني توا شنو نديروا
: توا نجيبوا حطب ع شان يولعوا النار للشاهي و القهوة و بعدها نبدوا في الغذاء بعد يذبحوا طبعا
سمعوا صوت الخروف وقفت تشوف فيهم : حيه بيذبحوا توا كله مني بعد العملة اللي درتها ما نقدرش نمشي جنبهم لان خالي حسين بالذات حامق مني هذا غير خوك اللي يفنص
معش قدرت تبطل ضحك : مهبولة انت و الله توا نبي نعرف شني فيه من جو الذبح
عيونها عليهم : احلى جو تعرفي بكل مش قادرة نصبر
بعد نفضت ملابسها وقفت : باهي تعالي معاي نمشوا جنبهم فريدة ما قعدت معاها بكل من وراك
دارت زيها ومشت وراها : تعرفي عندي خالي يهزبني لغدوا الصبح عادي و لا نقعد نسمع في هزايب امي و جداي
ضحكت ثاني و مشو ناحية النساوين
المنظر كالاتي
قطع حصير و عليهم فراشات في جهة تحت الاشجار للنساوين
و قطع زيها و عليهم فراشات في جهة بعيدة للرجالة
و ابوبكر يلعب بكورته و الشباب لاهيين في الذبح
و النساوين عاد زي العادة يجهزوا للاكل
جابوا الحطب الاثنين في ايديهم و حطوه
مشت عفراء سلمت ع فريدة : سامحيني قدامك كيف صار
مبتسمة : عادي و الحمدلله ع سلامتك
: مش حادث كبير هو حاجة بسيطة
هدى : بسيطة بكل لين جبتي الدومان في ايدك ما في حد قبلك دارها
بملل : واك منكم معش تطلقوها توا شدوهالي عزارة اصلا هو ما ينفعش من الاول
صفية هذا وين عاد علقت عليها : انا لو كان نعرف بس كيف عرفتي ان المفتاح فيها السيارة هذه من حياة بوي ما عمره واحد دار بيها حادث لين وصلت فيك
