حُباً باللّٰـه .. لا تتغيّـر ، ولا تـؤلـم قلبي ، گُن الشخـص نفسـهُ الذي عـرفتـهُ لأوّل مـرّة ، من گـان يختـارني فـِ گُـل المـرّات التي يُخيـر فيهـا مـا بينـي وبيـن العـالـم .. گُن اليـد التي تحنـو ، والقلب الذي يعطف ويـرحـم ، والجسـد الذي يـرفق ويـرأف ♥️ ..
حُبـاً باللّٰـه .. لا تتغير".♥️🌍
عفراء
(Somya Bun Amran)
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
احيانا الكبر يخلينا نغمضوا عيوننا عن اخطاء اقرب الناس لينا يخلينا نعاندوا ع شان نثبتوا ان خطأهم غير مقصود و مرات نوصلوا لمرحلة انكار وجود الخطأ من الاصل
: اسمعني يا خيري ولدك هو المسؤول انا البنت كلمتني خالتها تشكي من تصرفاتها هي و ولدك و انها يومك و تاليك طالعة معاه تجي انت توا تبيني نصدق القطاف هذا
خيري بينفجر من غضبه : وانا ليش بندير هكي انت اكثر واحد عارف كيف كنت نبي ناخذهاله بنتك بس وقتها هي مش عاجبها ولد عمها و عندها تاخذ اي حد غيره هو توا بعد عرفت خيره من شره و تنازلت تفاهمت مع المصيبة اللي عندي و يبوا يورطوه بس صحة ليه طلع قدها و عرف كيف يطلع منها توا كان تبيهم يطلعوا من المصيبة اللي احني فيها و من غير فضايح تسمع الكلام و تخليني انا نتفاهم معاه وقت يوصل و الا دبر راسك
سكت و يغلي ع بنته
وصل طارق مش مهتم ابدا و ع قناعه ان دار الصح : السلام عليكم
رد عليه خيري و كلا عمران كان في كيف راهو هجم عليه
: اي توا تبوني نتنازل و نقول انهم عيلتي و الا
عمران يهدد بايده : و غصبا عنك
ضحك : ابدا ما في شي غصبا عني كله بمزاجي يا عمي و لهذا عندي شروط
عمران : تبي فلوس يا ## ماهو ما عندك شرف و الا كيف واحد يرضى يحط بنت عمه و مرة بوه في الحبس
و عاد في ميدان طارق لو عندك ذرة عقل ما تلعب يا عمران : نعرف واحد رضي يحط مرته في الحبس و كذب عليها كذبة هكي كبرها ع شان ياخذ منها حضانة بنته و يحرمها من حوشها و النفقة بس
و يزيد عاد هذاك الوجه يولي احمر لان فهم سبب الكلام هدا
خيري يبي ينهي الجدال : قول المطلوب يا طارق
: تعهد يا بوي انهم لا يتعرضولي انا و لا اي حد من طرفي
قدم منه عمه و بيضربه : بنتي انا توقعلك انت يا م### تعهد بنت عمك ياللي ما تتحشم
ببرود دم : و الله هذا اللي عندي انا ما مشيت لحد في حوشه و من الاخير فاضت مرارتي و نبي نرتاح
خيري بنبرة متوسلة : ع شان خوتك يا طارق كيف تخلي شكوى ضدها و توقع ع تعهد تعرف ان حاجة زي هذه تقعد بينكم طول العمر
