الشكر موصول لصاحبة الصورة @ايوب قبي ايوب قبي ❤️
(السلام عليكم ... نعتذر ع التأخير .. و طامعة في رحابة صدركم و الله لولا الارهاق و الضغط النفسي ما كنت تأخرت ع العموم زي ما وعدتكم بحلقة ثانية لو تمكنت باذن الله ح انزلها ع الموعد السابق العشرة و ولو ما تمكنت يعني ح تنزل متأخر )
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
ﻳﺎﺭﻳﺖ ﺗﺮﺟﻊ ﻳﺎﺯﻣﻦ ﺍﻟﻮﺩ ...
ﺍﻧﻌﻴﺶ ﺭﺍﺣﺘﻲ ﻣﺎﻧﻌﺪ ﻟﻮﻣﺔ ﺣﺪ ...
ﻳﺎﺭﻳﺖ ﺗﺮﺟﻊ ﻟﻴﻠﻪ ...
ﺍﻻﻳﺎﻡ ﻛﻲ ﻛﻨﺎ ﺻﻐﺎﺭ ﻋﻮﻳﻠﻪ ...
ﻧﻠﻌﺐ ﻣﻊ ﺍﻟﺠﻴﺮﺍﻥ ﻓﻲ ﺍﻟﺘﻘﻴﻴﻠﻪ ......
ﻻﻓﺮﻕ ﻓﻲ ﺑﻨﻴﻪ ﻭﻻ ﻓﻲ ﻭﻟﺪ ...
ﻳﺎﺭﻳﺖ ﺗﺮﺟﻊ ﻳﻮﻡ ...
ﻻ ﻧﺸﻴﻞ ﻫﻢ ﺍﻟﺪﺭﺱ ﻻ ﺍﻟﺪﺑﻠﻮﻡ ...
ﻧﺎﻛﻞ ﻭﻧﺸﺮﺏ ﻭﻧﺮﺟﻌﻮﺍ ﻟﻠﻨﻮﻡ ...
ﻻ ﻫﻢ ﺩﻧﻴﺎ ﻭﻻ ﻫﻨﺎﻙ ﻧﻜﺪ.
(Hanona AE)
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
استغلت وجود الجيم اللي جهزهولها جدها و حطت السماعات في وذنها و شغلت الاغاني الليبية اللي تفكرها باجمل ايام يعني في اللي حتى لحنهم مش ناشط عادي بس تبي تنفصل عن الواقع و تحس نفسها بعيدة عن امريكا و انها في احد شوارع العاصمة طرابلس او الرابطة او غريان ... بس المفاجاة وقت بدون قصد غيرت قائمة الاغاني اللي عندها و خشت ع قايمة سايحها
و اشتغلت اغنية
"الله ما اكبر غلاك "
و بالرغم ان الاغنية خليجية بس عندها هي ليها صاحب واحد ما في غيره و اكيد معروف من !
المهم بعيدة ع امريكا
في الوقت هذا
اتصلت من هولندا ع رقم حوش السنوسي
و ردت سارة : hi who is it
اهلا من معي ؟
: I wanna talk to Afraa نبي نتكلم مع عفراء
سارة : she is not here unfortunately but I can give you her number if you wish
هي مش اهني بس اذا تبي رقمها نعطيهولك
و يا فرحتها عاد : I will be grateful نكون شاكرة ليك
و بدت عاد سارة تمل في الرقم بعدم اهتمام لهوية المتصل
: thanks a lot شكرا هلبة
سارة : you're welcome العفو
تسكر الخط و مش مستوعبة ان الامر كان ساهل للدرجة هذه
حطت ع رقمها و اتصلت
و عفراء منسجمة في اغنية : جمعت حلو المحاسن .. وش هو القمر و الغزال ..حبك في هالقلب ساكن ...وصفه تعدى الخيال ... القمر عندك رمادي يا احلى البشر لا تغيب رهيب و الله رهيب
و تدرب ع الة المشي و زايدة السرعة و داهشة
شافت المكالمة وقت وقفت الاغنية و طارتلها من المتصل : اوووف مش وقته بكل من هذا
نزلت من ع السير و فتحت الخط و هي داهشة : ايوا
