(السلام عليكم و الله هذا اللي قدرت نكتبه يا ريت تعذروني نزلتها بدون مراجعة 🥺)
المشاعر
المشاعر في تمرد. . عالحواجز والقيود
والمحبه مي مجرد . .همس واشعار ووعود
المحبه شوق دافي. .نابعه من قلب صافي
لا ايخوف ولاايجافي. .لا ايخالف فالعهود
المحبه طير طاير. .في بساتين السلام
وانت ياحبي بشاير. .وقلب مليان ابغرام
جيت في ثورة شبابي. .وصنت عهدي في اغيابي
انت فعيوني روابي. .زاهيه ابلون الورود
المشاعر موج ثائر. .ونار مابين الضلوع
وقلب ما ايعد الخساير. .لا ايمثل بالدموع
وبحرمالحب الجميل. .وبدر في وحشة الليل
مالها عندي مثيل. .وصفها فات الحدود.
#الشاعرالليبي محمود اكنيش.
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
و اذا ع الحنة محنية و اذا ع الصدرة مصدرة و اذا ع الزين فاتت حدوده غادي و ان كان نشدتوا فرحانة
ايييه شوق و شوق فرح مزين وجهها و الاهم مالي قلبها ... الفرحة تكتمل بوجود الاحباب و اهم هلها فعلا يوم شكلها
صالح موجود اللي احتضنها في حوشه هو عيلته لهذا كان لازم يكون ضمن الحضور و بكار اللي يعتبر زي الاخ الاكبر لصغارها و ياما شدهم و اهتم بيهم
بينما صفية و وهيبة الاثنين مكانتهم بروحها امهات صديقات و رفيقات يعني مكانتهم عزيزة بمعزة بناتهم
و لبست اسراء الجلوة و طلعت الله يبارك عليها و اللي يشوفها يصلي ع سيد الخلق معاها ريناد كلا رواد طول الوقت مع طارق ما فارقه لحظة
ايناس في جنبها بعد كملت معاها المزينة : روروي ... تهبلي يا اسراء مش مصدقة و اخيرا
:نجك ليا ان شاء الله في فرحك و باذن الله نصبيلك تصباية سمحة
ايناس : غصبا عنك اصلا ... بنقولك توا الزمزامات بيدرجوك طارق بيخش
ضحكت : و الله قالي ما تحلمي بيها هذه حتى عند هلي وقف عند الباب
ايناس : معناها بيصور بس
اسراء استغربت : لا ما ظنيتش
ايناس : كيف لا اماله المصورة اللي برا لمن ؟
و مهما نكرت بجد فرحت و تحمست هلبة
لحظات و جت المصورة و و صورت هي وياه و الصغار
كان طارق يرتب في شكلهم و ينظم في وقفتهم : ايواه هكي يا بابا .. وانت خيرك ماشية بعيد سادني يا همي من التشحيط راهو شردتيني وراك و دهشتيني تي وزني نقص
تضحك : طارق عاد عيب قدام البنت
طارق بحب كبير : و الله يا عمري ما نشوف في غيرك اسمعي شنو بنقولك توا و الله نحبك
