( اسفة ع التاخير بس مع امتحانات الصغار ما كان بالامكان افضل مما كان مع خالص امنياتي بالنجاح للجميع )
__________________________________
انت يلي بعيده ديارك . ليش ماتبعث ليا اخبارك
هل تعلم ليش حبيتك ومن دون الناس اعشقتك
وليش ماعشقت واحد غيرك وانت وحدك الي اخترتك
آه لو تعلم كم حبيتك . وكم في احلامي تراود فيا
صورتك من يوم ما لقيتك . مافارقت لحظه عينيا
انت حياتي وانت عمري .. حبك يجرى ف شرياني
انت نجومي وانت قمري . انت ازهار في بستاني
من غيرك لا حياه ليا . فكيف ياعمري لا اختارك
وكيف اطيب العيشه عندي . وانت بعيد بعيد في ديارك
يا حبيبي انت قدري . و انا مؤمن بالاقدار
يا حبيبي فقدت صبري . تعالى يكفي انتظار
تعالى كون ليا رفيق . نمشي مع بعض الطريق
تعالى شيل عني الضيق . . ونحكيلك وتحكيلي اخبارك
لا تسيبني مع الاحلام وانت بعيده عني دارك.
انت يلي بعيده ديارك مشتاق نسمع اخبارك
السائح#
(كلمة الحق )
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
يوم الجمعة حاليا اخر اسبوع من شهر يوليو 2009..
كل مرة توقف سيارة قدام حوش اسماعيل
اولا سيارة عامر اللي واصل من امس للرابطة و قضاه هو و مرته و بنته في حوش اهله و حاليا جايبهم من الصبح لحوش اهلها
باس بنته : هيا في حفظ الله
هدى بنتها في حضنها و بتنزل : ان شاء الله .. بنقولك يا عامر راهو بايتة و الفجر تلقاني واتية ع شان نروحوا لمصراتة
باعتراض شديد : لالا بيات لا نقعد نبيب ع الناس من الفجر ما يصير الكلام هذا اقعدي لعند الساعة 12 نجي نروح بيكم
مع انها عصبت بس ما حبت تناقش اكثر و تدير مشكلة نزلت ببنتها و هو نزل معاها الصاكو و الاكياس اللي جابتهم معاها
شاف اشرف سلم عليه و طلع
اشرف : خيرا مستعجل راجلك حتى ع القهوة ما باش يقعد
هدى : ماهو عمي يستنى فيه قالوا ماشيين لناس هو و خالي خميس
اشرف خذي منها بنتها : وين ؟
: غريان
يلعب في البنت : عسل الفرخة كل ما تكبر تزيد تخش الخاطر
ابتسمت ع حركات بنتها : بكل تعرف .. جت فريدة ؟
يلعب في البنت : لالا مازال ... تعالي سلمي ع بوي و خلي ندخله العسل هذه
جت وراه سلمت ع اسماعيل و ع طول خذي البنت من اشرف : شني يا جدي كيف حالك ؟
هي تضحك و بس : هالاسم اللي سميتوه ماني عارف كيف نقوله ؟
ضحكت هدى : زي عمتي حتى هي للصبح تعارك عليه اسمها نمارق يا بوي
: نمارق نمارق ... لكن هي اسمها فيها المفروض سميتوها عسل البنت لان عيونها كيف العسل الله يبارك
