( السلام عليكم اسفة ع التأخير ... )
🌸🌸🌸🌸🌸🌸🌸🌸🌸🌸🌸🌸🌸🌸🌸
كانت بداية مختلفة ... عالم مختلف ... حياة مختلفة لكن وقت يكون هو الهدف اللي حطاته نصب اعينها يعني ح تمشي فيه قدما و بدون تردد في سبيل الوصول اليه
و ما ح يكون الوصول اليه سهل كالسابق
هي حاليا تفكر قداش كان معاها. و قريب عليها يتمنى رضاها و هي بداية ما كانت شايفة هذا كله
وقت اللي تتفكر كيف بايدها خذت رسالة علية و عطتهاله نار تركب فيها و وقت تتخيل البنت الطليانية اللي حكي عليها تتمنى تشق المحيطات و تمشيله
كيف كل شي كان ساهل و هي ضيعاته
و ترجع و تقول ان السايح يستاهل التعب
و لهذا ممكن هذه فرصة ع شان تحارب في سبيل الوصول اليه
: معهد تبع جامعة قصدك
جويرية بشرح : شوفي في معاهد نص نص يعني يعلموك لغة عادية و هما كويسات بس ما يأهلوك تقري بشهادتهم جامعة اذا تبي تقري جامعة اهني الاقل تقري في معهد تابع الجامعة نفسها فهمتي عليا
عفراء باصرار واضح: وانا نبي نكمل جامعة يبقى اوكي نسجل في هذا شنو المطلوب توا
ضحكت و تعبي في البيانات و اخيرا : done خلاص سجلتك
انصدمت: هكي من اهني
جويرية : اي يا حلوة it is America يعني شنو متوقعة بتشدي طابور و الا شنو لازم تتعودي ع النظام اهني كيف ماشي يا عفراء و اهم شيء الكمبيوتر مش بس اللغة لان حتى قرايتنا اهني كلها كمبيوتر.
حست ان قدامها هلبة بس هو الحافز : خلاص ح نبدا ان شاء الله اول شي لغة و ح ندور حتى كورس كمبيوتر
نادتهم سما : بنات تعالو معاي طالعة بناخذ حاجات ناقصيني help please معش عندي وقت ع العرس
جويرية : I'm sorry عندي هلبة حاجات نديرهم لغدوا في قرايتي اهو تمشي معاك عفراء و شوفي نورا
سما : نورا كلمتها بس عفراء عادي تمشي
ابتسمت وكانت تبي تتتعرف عليهم : عادي هيا نغير بس
: اوكي
بينما كانت هي موضوعهم و في دارهم و بعيد ع الباقي : فهمتي عليا يا عايشة نوسعوا بالنا معاها و نخلوها تتعرف ع العيلة و تزيد تشوف ولد عمها اكثر و مع الايام يروموا بعضهم
: يا ودي ما انظني يا امحمد البنت الباين تبيه الرابطي هذا
امحمد : مستحيل نخليها تعيش بعيدة عليا و ندير اللي نقدر عليه ع شان برضاها تقولي يا جدي راضية ناخذ ولد عمي و نعيش اهني كلا نبعثها لليبيا ثاني ما عاد تحلم هي و لا هما
و ع سيرة الوصول اليوم كان اول موعد للتأشيرة و طبعا كانت مقابلة فيها بعض الاسئلة ع السبب اللي مخليه يمشي لامريكا و كان السايح بعد توصيات من ناجي نوعا ما ردوده كويسة بس الكلام كان بالايطالي لان ما عنده الانجليزية
