(نعتذر عن التاخير ... ظروف العمل و الدراسة سامحوني. ❤️)
ماتلزمني... لو طقيت في شرفي.... ولا تعرفني ...
وانعدك ذليل خسيس ماتلزمني
وماانزلهن دموعي عليك ولا انضيع روحي...ولاتنحسب راجل بعملتك دكنوني
(Om Nani)
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
و هذا حال عفراء ! لو عرفت باللي داره عزالدين وقت خذي صورها و اعطاهم للسايح طبعا اكيد هو ما فكر ان بهكي طلعها انسانة خائنة و مش كويسة ابدا لان فكر من زاويته هو بس لان متعود يفكر من ذات الزاوية من يومه بس يا ترى لو فكر فيها من الناحية هذه هل كان تصرف بنفس الطريقة ؟!
مكالمة ع السكايب بعد مقاطعة لمدة طويلة
: انا درت الصح خليه يعرف ان وجوده في حياتها غلط
عيسى : درت عينك خلي بنت الناس في حالها و بعدين تعالى اهني انت هل فكرت بينك و بين نفسك ان وقت اطلعها في الصورة هذه يعني هي وحدة ما تصلحش كيف تصور معاك و امورها عادية بعد اللي كان بينكم (بدي يعذ ع اصابع ايده ) و انت متزوج و ببنتك و زيد ع هكي هي مخطوبة و مازالت ع اسمه وين دماغك يا صاحبي عهدي بيك اعرف الاصول
عزو وقت عرف غلطه و مش قادر يدافع عن نفسه قرر يغير الموضوع : اسمع انا وقفت معاك في موضوع طارق و درت اللي عليا توا نبيك تكلمه ع خوتي يردهم لامي مش معقولة يحرمها منهم
عيسى : توا غيرت الموضوع و بنمشيها بس خلي نذكرك طارق انت اللي رديتله موقف دارهولك مش العكس و بالنسبة لخوتك المفروض انت نفسك تفرح انهم اهني مع عماتهم و لعلمك و تقدر تتاكد من مهند راهو هما اللي طلبوها الجية للبلاد معش يبوا يعيشوا في المغرب و مع امك بالذات سامحني في الكلمة صايرة دوشة و مشاكل هلبة وانت مش عارف شي
عزو : اسمع انا توا عندي ما ندير
بعدها هدا وين ركز : تقول مغير الشقة انت
و ما عنده مشكلة يقولها : ماهو انت في حاجة مش عارفها انا حاليا اي امريكا تحديدا في نيويورك خلاص وقعت لفريق اهني
مش مستوعب: سببت ايطاليا و مشيت لامريكا وين دماغك انت ؟ شنو عرفهم الامريكان بالكورة
بعدم مبالاة : اسمي محترف و نلعب في دوري خير من لعب الصغار اللي في ليبيا و الفلوس الحمدلله شنو مازال نبي
: قول إنك ماشي ع خاطرها و تبي تفسد عليها خسارة يا عزو و بس اعرف كيف لو بس نوصل فيها الريقولي بتقوللها كلمة وحدة اللي تكبر عليك في يوم ما كان عنده شي عمره ما يصونك و عنده كل شي و توا بالسلامة جيتك فرحان و حبيت نهدرز عليك بالك رد صاحبي القديم نسيت ان يوم وقف ضد بوه و باع عشرة سنين و عض الايد اللي انمدتله يومها مات و اللي يموت مستحيل يرجع
و تسكرت المكالمة
كلام كان مفعوله زي السم يا ودي نار و نزلت ع كبده و ع طول جي في باله موقف من الماضي و بالذات و ان التي في قدامه عارض برنامج طبخ فيه شيف تزين في كيكة
