(مشكورة ع الصورة يا قلبي ❤️Souad Alsheikh)
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
قلـــت اني احبــك وأنــا اعنــي كـلامــي ♥
واليــوم اقـــول لــك سأنتظـــرك وهـــذا قـــراري♥
وعنـــدما أختـــار شيئا لا ارجــع عــن اختيـــاري♥
سأنتظـــرك ولـــو احتـــرق قلبي مـــن نــار اشــواقـــي♥
فان لــــم تكــــن قـــــدري فـــــقد كــــنت اختــــياري❤️
العفراء ❤️🥹السايح
(Zeze Mohammed)
—————————————————————————-
يوم الثلاثاء ... صباحا امريكا ...
بينما كانوا يفطروا مع بعض : جدو
انتبه معاها : قولي يا بنتي
: عندنا غدوا في الcollege... presentation كل واحد ع بلده و من ضمن المطلوب قالولنا جواز السفر و عملة البلاد و بعض الصور لمدن ليبيا و يبوني ناخذ حتى الاكل الليبي توا هدا ساهل لكن الجواز دورته و ما القيته عندي قلت نشوفك انت اكيد عمي يوسف اعطاهولك لان من اول ما وصلت مالطا و هو عنده
وجهه تغير و كان الامر هدا واضح جدا ليها : مش عارف انظني قدموا بيه ع اوراقك يا عفراء لكن ان كان تبي جواز سفر عندي واحد قديم انا توا نعطيهولك ديري بيه اللي بتديريه و خلاص
عايشة لاحظت ارتباك راجلها و فهمت : اي و شنو هما يبو جوازك انت ضروري حتى جواز جدك يمشي حاله و الا هونا اعطيها جوازي يا حاج
حاولت تتصرف بشكل عادي : اي حتى هذا راي .. خلي انوض انا نوتي روحي شوية و تجيني مدربة القيادة
سيبتهم و ركبت او دارت روحها ركبت تأسفت للوضع اللي وصلتله في انها تتسمع عليهم بس ما عندها حل
عايشة وراها بعيونها و بعد تأكدت انها مشت : اسمع شنو قصته هدا الجواز ان شاء الله ناوية تهرب
امحمد سارح: ما عندها جواز خلاص سلمنا فيه ماهو قدمنالها في اللجوء يعني حتى لو قاعد عندها توا ما تقدر تطلع برا من البلاد غير خايف نقوللها تكرهنا و تشيل علينا اكثر
عايشة بتحريض مباشر: اسمع يا حاج انت تساير فيها هلبة راهو خلينا نزوجوها لولد عمها و نرتاحوا سيورها ترضى مع الوقت
امحمد : معناها لا عرفتيها هي و لا عرفتي المرحوم اللي قدامك هذه ما تتعاند خليها تأيس من الرابطي و بعدها توا ترضى بولد عمها
عايشة دارت صوت الحسرة بفمها و ايدها : اهو من توا اماله لانك تساير فيها لو جي يوم و عطيتها للرابطي هدا نهج منكم بكل انا ما صدقتها جتني ربي حن عليا و جابهالي من اخر الدنيا مانيش مفرطة فيها ايواه
سكت امحمد
و سكتت عفراء عن اي كلام و بكاء يا ودي حتى النفس صار صعب عليها
اسرعت بالهروب لدارها و كادت تجن
كيف هي مش فاهمة شي في الدنيا
في كم يوم تعلمت كم درس قاسي
ماهو لما قالو كل سفرة تعلمك الحداقة
مش من فراغ الكلام هدا راهو !!
بس شنو فايدة التعلم توا و هي مش لاقية حل
ندمت هلبة ع قرار السفر و قالت في نفسها
لو خليتهم حبسوني في ليبيا احسن !
بس هي سبب سفرها اهلها و خوفها كان ع اهلها و السايح مش ع نفسها
