رحيلك يعني انني سأعود وحيدا ...
_______________________________
لعند ...تم الاعلان عن موعد اعلان الطايرة المتوجهة للندن و من ثم ح يسافر للسويد
ضم خوه بقوة : مش ح نوصيك ع حد الا ع روحك
ابتسم : وانت رد بالك
اشرف بصوت واطي : و سامحها حتى هي !
استغرب : منو ؟
ضحك : بنت صفية
ضربه برجله بخفة : شني قلنا عليه الاسم هذا و بعدين مني قالك اني متعارك معاها
قام اكتافه بقلة حيلة : هي قالت انك حامق منها
طبطب ع كتفه : حتى انت فكر في روحك و انا ما عاد تدورني ... حافظ ع نفسك يا خوي و لو قدرت روح صدقني بلادك ما يجي كيفها حد
اشرف : جرب شوف غيرها و احكم بروحك
السايح حط ايده ع عيونه : عيوني معمية ع غيرها
شاف الركاب توجهوا للبوابة : خلاص هيا وقت انت وياه
رجعوا ضموا بعض و دموعهم اثنينهم نزلوا
ابعدهم ياسين و سلم ع اشرف : توكل خلاص و ياريت تفكر في قصة الهجرة
" فات الوقت خلاص " : يصير خير ... ياسين مش انا ح نوصيك ع اختي لاني عارف ان السايح مش ح يسيبها لكن منوصيك عليه هو
ياسين : ما تخمم فيه بكل
جر شناطيه و ختم جوازه و رجع شافلهم بنظرة اخيرة قام ايده و حياهم و دخل من الباب و اختفي شوي شوي عن عيونهم
السايح لف و مسح دموعه ...
و ياسين لف ايده عليه : هيا مش موريني مكان خدمتك
السايح مسح وجهه : هيا اصلا بتحطني فيه و اربح يا ياسين انا مش ماشي معاك للرابطة قاعد هنا
تفاجا : كيف صار ؟
السايح يتفكر في كلام بوه و يتفكر في اللي هي داراته : وراي خدمة هلبة يا راجل ...
حس ان صاير شي معاه لكن اثر ان ما يضغط عليه حاليا ...طلعو و ركبوا السيارة و بعد شوية اتصل اشرف خبرهم ان خلاص ركب الطيارة
بعدها طلعو من المطار و حاول ياسين يجبد الكلام منه بس هو ما قال شي
وصله الورشة و قداش فرح بيه الحاج مختار ليه مدة غايب
ومن اول ما نزل هلك روحه في الخدمة ع شان ينسى !!
___________ بقلم مارية علي الخمسي ❤️❤️❤️❤️
اليوم .. مختلف و فيه من الالوان المبهجة ما فيه ... ليش يا ترى ؟!
يستنوا في دورهم عند الدكتورة هي في انتظار النساء و هو في انتظار الرجال
لعند نادت الدكتورة الاجنبية عليهم عن طريق الممرضة
